'चड्डी' शब्दाऐवजी हे दोन शब्द वापरा...; 'जंगल बुक'च्या शिर्षक गीतावरुन झाला होता मोठा वाद
नव्वदच्या दशकात दूरदर्शनवर सुरू झालेली जंगल बुक मालिका प्रत्येक मुलाच्या आजही लक्षात आहे. या मालिकेच्या सुरुवातीला येणाऱ्या गाण्याशी संबंधित एक गंमतीशीर किस्सा आहे. जो आम्ही तुम्हाला सांगणार आहोत.
एक काळ असा होता जेव्हा टीव्हीवरील दूरदर्शन वाहिनीवरील मालिका अतिशय प्रसिद्ध होत्या. अनेकजण या मालिका पाहण्यासाठी हातातील कामे सोडून पळत घरी येत असत. १९८९ साली दूरदर्शनवर सुरू झालेला 'द जंगल बुक' हा अॅनिमेशन शो सुपरहिट ठरला होता. 'जंगल जंगल बात चली है पता चला है' या मालिकेचे गाणे आजही लोकांच्या स्मरणात आहे, पण तुम्हाला माहित आहे का की दूरदर्शनने हे गाणे या कार्यक्रमासाठी सक्तीने घेतले होते. मोगली नावाचं पात्र आठवताच लोकांना 'द जंगल बुक'मधलं हे गाणं आठवतं. त्यावेळी जे आपले बालपण जगत होते, ते आज तरुण झाले आहेत, पण हे गाणे 'द जंगल बुक'मध्ये घेण्यावरून बराच वाद झाला होता.
चड्डी या शब्दाच्या वापरावरून वाद
खरं तर लेखकाने 'द जंगल बुक'साठी 'जंगल जंगल बात चली है पता है, चड्डी पहन के फूल खिला है, फूल खिला है' हे गाणं लिहिलं होतं. तेव्हा दूरदर्शनच्या लोकांनी गाण्यातील चड्डी या शब्दावर आक्षेप घेतला आणि लेखकाला त्यातील चड्डी हा शब्द काढून त्याजागी लुंगी, कच्छा काहीही वापरण्यास सांगितले. पण लेखिकेला ते पटले नाही. शेवटी लेखक म्हणाले की तुम्ही मोगली तुमच्याकडे ठेवा आणि मी जे काही लिहिले आहे ते माझ्याजवळ ठेवतो. पण त्यावेळी निर्मात्यांकडे तेवढा वेळ नसल्याने त्यांना हे गाणं वाजवणं भाग पडलं होतं. जेव्हा हे गाणं प्रदर्शित झालं तेव्हा सुपरहिट ठरलं.
Pushpa 2 The Rule review: 'पुप्षा २' पाहायला जाताय? थांबा! आधी हे वाचा आणि मग निर्णय घ्या
जंगल बुकचे गाणे कोणी लिहिले आणि गायले
'द जंगल बुक'मधील हे गाणे सुपरहिट झाले आणि त्याकाळी प्रत्येक लहान मुलाच्या तोंडून हेच गाणे ऐकायला मिळत होते. 'द जंगल बुक'मधलं हे प्रसिद्ध गाणं गुलजार साहेबांनी लिहिलं होतं आणि अमोल सचदेव यांनी गायलं होतं, हे फार कमी लोकांना माहित असेल. इतकंच नाही तर विशाल भारद्वाज या गाण्याला संगीत देणार होते. ही दोन्ही नावे आज इतकी मोठी झाली आहेत की तुम्हाला कल्पना करणे अवघड असेल, पण प्रत्येक मोठा आणि यशस्वी माणूस पायऱ्या चढून सिद्ध करतो की त्याच्यासाठी त्याच्या कामापेक्षा महत्त्वाचे काहीच नाही.
