Gharoghari Matichya Chuli: हृषिकेशला सत्य समजलं अन् धक्काच बसला! सावत्रपणाची कीड रणदिवेंचं घर पोखरणार?

दुसरीकडे, इतकी वर्षे हृषिकेशपासून लपवलेली ही गोष्ट त्याला कळली म्हणजे आता तो मला परका झाला, त्याच्या मनात आता सावत्र भाव आला, हे देखील सुमित्रा आईला कळलं आहे. हृषिकेशने नानांवर आरोप लावल्यामुळे चिडलेल्या सुमित्रा आईने हृषिकेशच्या कानाखाली मारली होती. मात्र, आता तिला याच गोष्टीचा पश्चाताप होत आहे. हृषिकेशच्या मनात आता नक्कीच सावत्रपणा येणार आणि हृषिकेश माझ्यापासून दूर जाणार या भीतीने त्यांचा मन पोखरून निघत आहे.

Tharala Tar Mag: तुझ्या नवऱ्याला माझ्याभोवती फिरवते की नाही बघ! प्रियाने सायलीला दिलं थेट चॅलेंज

हृषिकेशला बसलाय मोठा धक्का!

तर, पार्वती बाईंचं सत्य कळल्यावर आणि आपण सुमित्रा आईचे सावत्र मुलगा आहोत, हे कळल्यानंतर आता हृषिकेशला प्रचंड मानसिक धक्का बसला आहे. मात्र, ऐश्वर्या इतक्यात शांत बसलेली नसून, ती आता हृषिकेशला आणखी त्रास देण्याचा प्रयत्न करणार आहे. या घरात सावत्र हा शब्द उच्चारायचा नाही, असा हुकूम नानांनी केलेला आहे. मात्र, हा शब्द न उच्चारता देखील हृषिकेशला तो सावत्र असल्याची जाणीव कशी होईल याचा प्रयत्न ऐश्वर्या करत आहे. आधीच मानसिक धक्क्यात असलेल्या हृषिकेश ऐश्वर्याच्या या डावामुळे पार कोलमडून जाणार आहे.

ऐश्वर्या खेळणार नवा डाव

मुद्दाम हृषिकेशला ऐकू जाईल अशा ठिकाणी उभे राहून ऐश्वर्या कुणाला तरी सारंगवर घरात अन्याय होत असल्याचं सांगणार आहे. ‘सारंगला कोणी ऑफिसमध्ये नेत नाही, त्याला इथं शेतीच्या कामात जुंपलं आहे’, असं ऐश्वर्या फोनवर सांगत असते. तिचं हे बोलणं हृषिकेशच्या कानावर पडतात. आपण आपल्या भावावर अन्याय करतोय का? त्याला आपण सावत्र वागणूक देतोय का?, असा प्रश्न आता हृषिकेशच्या मनात उभा राहणार आहे. आणि यामुळे तो आणखीनच खचून जाणार आहे. तर, जानकीला ऐश्वर्याचा हा डाव आता कळणार आहे. मात्र, पार्वती आईचं सत्य कळल्यानंतर हृषिकेश इतकाच धक्का जानकीला देखील बसला आहे. मात्र, यातही जानकी आपल्या पतीची म्हणजेच हृषिकेशची साथ देताना दिसणार आहे.