Gharoghari Matichya Chuli: सहनशक्ती संपली! नाना सत्य सांगणार; ‘घरोघरी मातीच्या चुली’मध्ये येणार मोठा ट्वीस्ट

रणदिवे कुटुंबात नुकतंच हृषिकेश आणि जानकी यांचा लग्न सोहळा पार पडला आहे. या लग्न सोहळ्यादरम्यान ऐश्वर्याने अनेकदा अडचणी निर्माण करण्याचा प्रयत्न केला. मात्र, ती तिच्या प्रयत्नांत अयशस्वी ठरताना दिसत होती. पण, शेवटी तिचा डाव साध्य झाला आणि हृषिकेश जानकीच्या समोर पार्वतीचं नाव आलं. पार्वती कोण? तिचा नानांशी काय संबंध होता? नानांनी आपल्या आईला फसवलं का? असे अनेक प्रश्न जानकी आणि हृषिकेश यांच्या मनात पिंगा घालत होते. त्या दोघांनीही मिळून याचा शोध घेण्याचा निर्णय घेतला होता. आता ते सत्याच्या जवळ पोहोचले आहेत.

TRP Report: सायली, कला, मुक्ता की जानकी? ३०व्या आठवड्याच्या टीआरपी शर्यतीत कुणाच्या मालिकेने मारली बाजी?

नाना आणि सुमित्रा आई देणार उत्तर!

नानांना हिम्मतराव काकांशी पार्वतीबद्दल बोलताना स्वतः जानकीने पाहिलं होतं. हीच गोष्ट तिने हृषिकेशला देखील सांगितली. यामुळे दोघांनाही जबर धक्का बसला होता. आता नानांना यबद्दल कसं विचारायचं या गोंधळात दोघेही होते. यानंतर हृषिकेशने नानांना एक पत्र लिहून त्यात आपल्या मनातील सगळे प्रश्न मांडले. आता नाना स्वतः सगळ्या कुटुंबासमोर हृषिकेशला त्याच्या या सगळ्या प्रश्नांची उत्तर देणार आहेत. नानांनी आणि सुमित्रा आईने एकट्यातच हृषिकेशचं पत्र वाचलं आहे. आता दोघेही मिळून या पत्राचं उत्तर सगळ्यांसमोर देणार आहेत. पार्वती कोण याचा खुलासा आता होणार आहे.

कोण आहे पार्वती?

जानकी आणि हृषिकेश ज्या पार्वती बाईंच्या शोधात आहेत, त्या पार्वतीबाई म्हणजे नानांच्या पहिल्या पत्नी आहेत. तर, हृषिकेश हा पार्वतीबाईंचा मुलगा आहे. मात्र, हे सत्य त्यांनी गेल्या अनेक वर्षांपासून लपवून ठेवलं आहे. हृषिकेशच्या जन्माच्या वेळीच पार्वतीचं निधन झालं होतं. केवळ सुमित्राच्या वचनामुळे आजवर नानांनी कुणालाही ही गोष्ट सांगितली नव्हती. मात्र, आता नाना रणदिवे हे सत्य सगळ्यांना सांगणार आहेत.