Gautami Patil: गौतमी पाटीलच्या पहिल्या मराठी चित्रपटाचा टीझर पाहिलात का?
Gautami Patil Movie: गौतमी पाटीलच्या ‘घुंगरु’ या चित्रपटाचा टीझर प्रदर्शित झाला असून चर्चेत आहे.
आपल्या लावणीने आणि सौंदर्याने सगळ्यांना घायाळ करणारी गौतमी पाटील नेहमीच चर्चेत असते. तिने महाराष्ट्रातील अनेक ठिकाणी लावणी करत प्रेक्षकांना वेड लावले आहे. अनेक खेड्यापाड्यात तिच्या कार्यक्रमाचे आयोजन करण्यात येते आणि या कार्यक्रमांना तुफान गर्दी झाल्याचे पाहायला मिळते. लवकरच गौतमी एका चित्रपटात दिसणार आहे. आता या चित्रपटाचा टीझर प्रदर्शित झाला असून सोशल मीडियावर व्हायरल झाला आहे.
गौतमी पाटील लवकरच 'घुंगरु' या मराठी चित्रपटात दिसणार आहे. या चित्रपटात ती लावणी कलावंताची भूमिका साकारणार आहे. तसेच तिच्या आयुष्यात येणाऱ्या अघटित घटनांमुळे नायकाच्या ती प्रेमात पडते. यात राजकारण, थरारदृश्य देखील पाहायला मिळणार आहेत. चित्रपटातील गौतमी पाटीलचा डान्स व कातीला अदा पाहण्यासाठी सर्वजण उत्सुक आहेत.
वाचा: नवरा कसा हवा?; गौतमी पाटील म्हणाली "मला पैसे, बंगला, प्रतिष्ठा..."
घुंगरु या चित्रपटाची निर्मिती चिंतामणी सिने क्रिएशन्स प्रस्तुत बाबा गायकवाड आणि अजित केंद्रे यांनी केली आहे. तर संदीप डांगे यांनी दिग्दर्शन केले आहे. गौतमीसोबत चित्रपटात काही नवीन कलाकार दिसणार आहेत. तसेच अभिनेत्री उषा चव्हाण महत्त्वाच्या भूमिकेत दिसणार आहे. सध्या सोशल मीडियावर गौतमीच्या या चित्रपटाचा टीझर चर्चेत आहे.
गौतमीच्या कामाविषयी बोलायचे झाले तर तिची लावणी संपूर्ण महाराष्ट्रात लोकप्रिय ठरत आहे. नुकताच तिचे तेरा पता हे गाणे प्रदर्शित झाले आहे. या गाण्याला प्रेक्षकांचा तुफान प्रतिसाद मिळत आहे. आता ती 'घुंगरू' या मराठी चित्रपटात दिसणार आहे. सर्वजण तिच्या या चित्रपटाची आतुरतेने वाट पाहात आहेत.
विभाग