दारूपायी वडिलांनी होत्याचं नव्हतं केलं; दागिने आणि घरही गेलं! फराह आणि साजिद खान यांची संघर्षमय कहाणी
Farah And Sajid Khan Life Story :फराह आणि सजिद खान यांनी त्यांच्या आयुष्यात खूप संघर्ष केला आहे. एका सुखवस्तू कुटुंबातून असूनही त्यांना हा संघर्ष करावा लागला होता.
Farah And Sajid Khan Life Story : बॉलिवूडच्या जगातल्या अनेक यशस्वी व्यक्तींच्या आयुष्याची एक प्रेरणादायी कथा आहे. परंतु, फराह आणि सजिद खान यांनी त्यांच्या आयुष्यात खूप संघर्ष केला आहे. एका सुखवस्तू कुटुंबातून असूनही त्यांना हा संघर्ष करावा लागला होता. त्यांच्या कुटुंबाला संघर्षाच्या अनेक टप्प्यातून जावे लागले, परंतु त्यांच्या आईच्या समर्पणामुळे त्यांनी आजघडीला यशाची पायरी चढली आहे.
फराह आणि सजिद यांचे वडील, कामरान खान, हे बॉलिवूड इंडस्ट्रीतील एक प्रसिद्ध स्टंटमॅन होते. मात्र, नंतर त्यांनी चित्रपट निर्मितीकडे वळण्याचा निर्णय घेतला. १९७०मध्ये त्यांनी 'इलझाम' हा चित्रपट तयार केला होता, जो बॉक्स ऑफिसवर अपयशी ठरला होता. या अपयशामुळे त्यांना मोठा आर्थिक ताण सहन करावा लागला. त्यांच्या कुटुंबाला या आर्थिक संकटाचा सामना करण्यासाठी अनेक मौल्यवान वस्तू विकाव्या लागल्या, ज्यात मेनका यांच्या दागिन्यांचाही समावेश होता. तसेच, त्यांना मुंबईतील जुहूच्या नेहरू सोसायटीत एक साध्या अपार्टमेंटमध्ये राहण्यास यावे लागले.
आधीच आर्थिक संकट त्यात...
आधीच पैशांची तंगी असताना कामरान यांच्या दारूच्या व्यसनामुळे कुटुंबावर अधिक ताण आणला, ज्यामुळे त्यांची पत्नी मेनका इराणी यांनी इक धाडसी निर्णय घेतला. त्यांनी कामरान यांच्यापासून वेगळे होण्याचा निर्णय घेतला. फराह आणि सजिद यांना चांगले वातावरण देण्यासाठी मेनका यांनी सगळे प्रयत्न केले. या काळात मेनका इराणी कोणतेही निश्चित उत्पन्न नसल्याने आपली बहीण, होनी इराणी यांच्या मदतीवर अवलंबून होत्या. होनीने या कठीण काळात मेनका यांना सहकार्य केले, ज्यामुळे फराह आणि सजिद यांना त्यांच्या शिक्षण आणि विकासात मदत मिळाली.
Farah Khan: एकेकाळी अडगळीच्या खोलीत राहणारी फराह आज आहे प्रसिद्ध कॉरिओग्राफर
आईने केला संघर्ष
मेनका यांच्या याच संघर्षाने फराह आणि सजिद यांना प्रेरणा दिली. त्यांनी स्वतःच्या कष्टाने आणि दृढ संकल्पाने चित्रपटसृष्टीत मोठे यश प्राप्त केले. फराह खान एक प्रसिद्ध नृत्यदिग्दर्शक आणि चित्रपट दिग्दर्शिका बनली. तर, सजिद खानने टेलिव्हिजन प्रेझेंटर, दिग्दर्शक आणि कॉमेडियन म्हणून आपली ओळख निर्माण केली. दोन्ही भाऊ-बहिणी त्यांच्या आईच्या बलिदानांची आणि जिद्द यांची नेहमीच कृतज्ञता व्यक्त करतात, ज्यामुळे त्यांना त्यांच्या स्वप्नांचा पाठलाग करण्याची संधी मिळाली.
फराह आणि सजिदच्या यशाचा प्रवास हे त्यांच्या आईच्या प्रेम आणि समर्पणाचे प्रतिक आहे. त्यांनी कधीही हार मानली नाही, आणि त्यांच्या संघर्षाच्या कथेतून प्रेरणा घेणाऱ्यांसाठी ते एक आदर्श बनले आहेत. आज ते बॉलिवूडच्या यशस्वी व्यक्तिमत्त्वांच्या यादीत आपले स्थान कायम ठेवून आहेत. यामागे त्यांच्या कुटुंबाचा संघर्षमय प्रवास आहे.
