Aashram Season 3 : ‘आश्रम ३ - पार्ट २’ चा ट्रेलर रिलीज, जाणून घ्या OTT वर कधी येणार बॉबी देओलची ही वेबसीरीज
बॉबी देओलची मोस्ट अवेटेड वेब सीरिज 'आश्रम ३ - पार्ट २'चा ट्रेलर रिलीज झाला आहे. यासोबतच मालिकेच्या प्रदर्शनाची तारीखही जाहीर करण्यात आली आहे.
Aashram Season 3 : बॉबी देओलच्या क्राइम ड्रामा वेब सीरिज 'आश्रम 3 - पार्ट 2'चा ट्रेलर लाँच करण्यात आला आहे. यासोबतच अॅमेझॉन एमएक्स प्लेअरच्या वेब सीरिजच्या प्रदर्शनाची तारीखही जाहीर करण्यात आली आहे. यावेळी पम्मी बाबा निराला आणि भोपा यांच्यात अंतर निर्माण करेल हे ट्रेलरवरून स्पष्ट होत आहे. ती सूडाच्या आगीत जळून जाईल आणि ही आग बाबा निरालाची कथा कायमची संपुष्टात आणेल.
कसा आहे तिसऱ्या सीझनचा ट्रेलर -
२ मिनिट १८ सेकंदाच्या ट्रेलरमध्ये असे काही सीन आहेत जे आपण टीझरमध्ये पाहिले आहेत. बाबा निराला पम्मीला मिळवण्याचा प्रयत्न करतो. तो पम्मीची तुरुंगातून सुटका करून आपल्या आश्रमात आणतो. यावेळी पम्मी बाबा निराला तसेच भोपा स्वामींना आपल्या जाळ्यात अडकवण्याचा प्रयत्न करते. पम्मीच्या बोलण्यात भोपा अडकतो आणि बाबा निरालाला ही गोष्ट कळते. आता बाबा निराला भोपाला संपवणार की पम्मीचा खेळ समजून घेणार हे पाहणं औत्सुक्याचं ठरणार आहे.
बॉबी देओलची वेब सीरिज कधी प्रदर्शित होणार?
ओटीटी प्लॅटफॉर्म अॅमेझॉन एमएक्स प्लेयरने सोशल मीडियावर ट्रेलर पोस्ट केला आहे आणि मालिकेच्या प्रदर्शनाची तारीख जाहीर केली आहे. अॅमेझॉन एमएक्स प्लेयरने लिहिले की, 'तुमचा संयमाचा लाडू २७ फेब्रुवारीला येत आहे. ही मालिका अॅमेझॉन एमएक्स प्लेअरवर स्ट्रीम होईल आणि तीही पूर्णपणे विनामूल्य. म्हणजेच ही मालिका पाहण्यासाठी तुम्हाला कोणत्याही प्रकारच्या सब्सक्रिप्शनची गरज भासणार नाही.
Shrikant Ashok Londhe
संबंधित बातम्या