Anant Ambani: अनंत अंबानीच्या हातातील घड्याळ पाहून मार्क झुकरबर्गची पत्नी थक्क, जाणून घ्या किंमत

‘फेसबुक’चे सहसंस्थापक मार्क झुकरबर्ग यांचा पत्नीसोबतचा एक व्हिडीओ सोशल मीडियावर व्हायरल होत आहे. या व्हिडीओमध्ये झुकरबर्ग यांची पत्नी प्रिसिला चान या अनंतच्या हातातील महागडं घड्याळ पाहून थक्क होताना दिसत आहेत.
वाचा: आलियाच्या कडेवरील राहाला पाहताच अनंत अंबानी झाला खूश, पाहा व्हिडीओ

काय आहे व्हिडीओ?

सोशल मीडियावर व्हायरल झालेल्या व्हिडीओमध्ये अनंत हा झुकरबर्ग आणि त्यांची पत्नी प्रिसिलासोबत उभे दिसत आहेत. तिघेही छान गप्पा मारताना दिसत आहेत. अनंत प्रिसिला यांना वनतारा फिरण्याविषयी विचारत असतो. तेवढ्यात प्रिसिली यांची नजर अनंतच्या घड्याळावर जाते. ते घड्याळ पाहून प्रिसिला चकीत होतात. त्या अनंतला विचारतात की, “हे अत्यंत कमालीचे घड्याळ आहे. कोणत्या कंपनीने हे घड्याळ बनवले आहे?” लगेच झुकरबर्ग अनंतला सांगतात की, प्रिसिलाला घड्याळांचा शौक नाही. पण तुमच्या हातातील घड्याळ त्यांना फार आवडले आहे. त्यावर प्रिसिला म्हणतात, “मला कधीच घड्याळ घ्यायचं नव्हतं. परंतु अनंत यांच्या हातातील घड्याळ पाहून माझं मतपरिवर्तन झालंय.” त्यानंतर काही वेळ यावर ते चर्चा करतात.
वाचा: 'अच्छा तो हम चलते हैं...', धर्मेंद्र यांच्या पोस्टमुळे चाहते चिंतेत

अनंतच्या घड्याळाची किंमत किंती?

अनंतच्या हातातील घड्याळ हे ऑडेमार्स पिगट रॉयल ओकचे आहे. त्या घड्याळाची किंमत जवळपास १४ कोटी रुपये असल्याचे म्हटले जाते. ही किंमत ऐकून नेटकऱ्यांना धक्काच बसला आहे. एका यूजरने या व्हिडीओवर कमेंट करत ‘अंबानींसमोर मार्क झुकरबर्ग यांनाही गरीब असल्यासारखं वाटतंय’, असे म्हटले आहे. तर दुसऱ्या एका यूजरने ‘पहिल्यांदा इतक्या श्रीमंत व्यक्तींच्या गप्पा ऐकतोय’ अशी मजेशीर कमेंट केली आहे.

अनंत अंबानीचे कधी होणार लग्न?

गेल्या वर्षी १९ जानेवारी रोजी राधिका आणि अनंत यांचा साखरपुडा पार पडला. त्यांच्या साखरपुड्याची जोरदार चर्चा सुरु होती. आता १-३ मार्च रोजी लग्नापूर्वीचे कार्यक्रम आयोजित करण्यात आले आहेत. त्यानंतर १२ जुलै रोजी त्यांचा विवाहसोहळा पार पडणार आहे. मुंबईत त्यांचा विवाहसोहळा पार पडणार आहे.