हजारों जवाबों से अच्छी मेरी खामोशी… दिलजीत दोसांझनं शेवटची कॉन्सर्ट केली मनमोहन सिंग यांना समर्पित!

दिलजीत दोसांझ याने त्याच्या ‘दिलुमिनाटी’ या शोच्या शेवटच्या लाईव्ह परफॉर्मन्सदरम्यान माजी पंतप्रधानांचे स्मरण केले आणि म्हटले की, ‘आजचा कार्यक्रम देशाचे माजी पंतप्रधान मनमोहन सिंग यांना समर्पित आहे. ते अतिशय साधे जीवन जगत होते. राजकारणासारख्या या क्षेत्रात जे शक्य नाही,  ते त्यांनी करून दाखवले. त्यांनी कधीही प्रत्युत्तर दिले नाही किंवा ते कधी उद्धट बोलले नाहीत. दिलजीत म्हणाला की,  त्यांनी ’हजारों जवाबों से मेरी खामोशी अच्छी…' म्हणत सगळ्यांनाच एक शिकवण दिली.  त्यांनी आजच्या पिढीला शिकण्याचा सल्ला दिला.

Diljit Dosanjh Concert: दिलजीतनं शब्द पाळला! बजरंग दलाच्या इशाऱ्यानंतर कॉन्सर्टमधून मद्य आणि मांसाहार गायब

दिलजीतने सोशल मीडियावर एक व्हिडिओ शेअर केला आहे, ज्यामध्ये तो स्टेजवर दिसत आहे. यावेळी तो म्हणतो की, 'आजची मैफल माजी पंतप्रधान डॉ. मनमोहन सिंग यांना समर्पित आहे. मनमोहन सिंग हे अतिशय साधे जीवन जगले. मी त्यांचा जीवनप्रवास पाहिला. त्यांनी इतके साधे जीवन जगले आहे की, त्यांच्याबद्दल कोणी वाईट बोलले तरी त्यांनी सूड उगवला नाही. मात्र, राजकारणातील करिअरमधील सर्वात कठीण गोष्ट म्हणजे सगळ्या गोष्टी सोडून देणे.

डॉ. मनमोहन सिंह यांचे निधन

डॉ. मनमोहन सिंग हे ९२ वर्षांचे होते आणि बराच काळ आजारी होते. २६ डिसेंबर रोजी त्यांनी अखेरचा श्वास घेतला. माजी पंतप्रधानांच्या निधनानंतर चित्रपट, राजकारण आणि क्रीडा जगतातील दिग्गजांनी त्यांच्या उत्कृष्ट कार्यासाठी त्यांचे स्मरण केले.

तर, दिलजीत दोसांझ याने त्याच्या परफॉर्मन्सदरम्यान माजी पंतप्रधानांचे स्मरण करून जी श्रद्धांजली वाहिली, ते ऐकल्यानंतर सगळीकडूनच त्याचे कौतुक केले जात आहे. दिलजीतने लोकांचे मन जिंकण्याची ही पहिलीच वेळ नाही. याआधी त्याने पाकिस्तानी अभिनेत्री हनिया आमिरसाठीही गाणे गायले होते. नुकतीच दीपिका पादुकोणही बेंगळुरूमध्ये त्याच्या कॉन्सर्टमध्ये सहभागी झाली होती, ज्याचे फोटो आणि व्हिडिओ सोशल मीडियावर खूप व्हायरल झाले होते.