Dharmaveer 2 on OTT: ‘धर्मवीर २' घरबसल्या पाहायचा आहे? वाचा कधी आणि कुठे पाहाता येणार

काय आहे चित्रपटाची कथा?

‘धर्मवीर 2’ची गोष्ट पहिल्या सिनेमाच्या शेवटापासून पुढे सुरू होते. त्यामध्ये कोणत्या प्रमुख घटकांमुळे एकनाथ शिंदे २०२२ मध्ये शिवसेनेतून बाहेर पडले होते ते दाखवण्यात आले आहे. या सिनेमात राजकीय निष्ठा आणि महत्त्वाकांक्षेची आव्हाने तसेच दिघे यांचे वारसदार या नात्याने शिंदे यांचा प्रवास दाखवण्यात आला आहे. सोबतच राजकीय पटलावरीर आव्हानांतून मार्ग काढताना आलेल्या आव्हानांवर प्रकाश टाकण्यात आला आहे. महेश लिमये यांची देखणी सिनेमेटोग्राफी आणि श्रवणीय संगीतामुळे हा सिक्वेल आजच्या प्रेक्षकांना आपलीशी वाटणारी आणि आनंद दिघे यांच्या वारशाचा सन्मान करणारी गोष्ट दाखवणारा आहे.

कोणत्या ओटीटी प्लॅटफॉर्मवर सिनेमा दिसणार?

‘धर्मवीर 2 – मुक्काम पोस्ट ठाणे’ या नुकत्याच प्रदर्शित झालेल्या मराठी सिनेमाचे जागतिक डिजिटल प्रीमियर होणार आहे. या राजकीय चरित्रपटात शिवसेना नेते आनंद दिघे यांची असामान्य गोष्ट पाहायला मिळली आहे. ‘वारसाची मशाल हाती असलेले’ अशी त्यांची ओळख आहे. प्रसाद ओक आणि क्षितिश दाते यांनी दिघे यांची गोष्ट आपल्या दमदार अभिनयातून जिवंत केली आहे. हा चित्रपट २५ ऑक्टोबर पासून झी ५ या ओटीटी प्लॅटफॉर्मवर प्रदर्शित होत आहे.
वाचा: नगरसेवकाने फसवून केले होते ‘या’ मराठमोळ्या अभिनेत्रीशी लग्न, पहिल्या पत्नीने समोर आणले सत्य

प्रवीण तरडे यांचे दिग्दर्शन आणि झी स्टुडिओ निर्मित ‘धर्मवीर २ मुक्काम पोस्ट ठाणे' या चित्रपटाने बॉक्स ऑफिसवर तुफान कमाई केली. क्षितिश दातेने चित्रपटात एकनाथ शिंदे यांची भूमिका साकरली आहे. तर प्रसाद ओक आनंद दिघे यांच्या भूमिकेत दिसला होता. या चित्रपटाने बॉक्स ऑफिसवर धुमाकूळ घातला होता. आता हा चित्रपट ओटीटी प्लॅटफॉर्मवर प्रदर्शित झाल्यामुळे प्रेक्षक आनंदी झाले आहेत. ज्या प्रेक्षकांनी हा सिनेमा पाहिला नाही आता त्यांना पाहण्याची संधी मिळाली आहे.