Jacqueline Fernandez: जॅकलिन फर्नांडिसच्या प्रेमात आंधळा झाला सुकेश चंद्रशेखर; वाढदिवशी दिली यॉट, १०० आयफोन अन् ३०० घरं!

सुकेशने या पत्रात लिहिले की, त्याच्याकडे जॅकलिनसाठी वाढदिवसाचे खास गिफ्ट आहे. केरळच्या वायनाडमधील भूस्खलनग्रस्तांना मदत करण्यासाठी मी १५ कोटी रुपयांची देणगी देण्याचे वचन देत आहे आणि या दुर्घटनेत बाधित झालेल्यांसाठी ३०० घरे बांधून देण्याचे आश्वासन देखील देत आहे. सुकेशने यावर जोर दिला की, कोणतीही भौतिक भेटवस्तू- जेट, यॉट, बर्किन बॅग किंवा हिरा जॅकलिनला इतरांना मदत करण्याइतका आनंद देऊ शकत नाही. म्हणूनच तिला भरपूर आनंद मिळावा यासाठी, सुकेशने या वचनांची पूर्तता करण्यासाठी केरळ सरकारसोबत काम करण्यासाठी संपूर्ण टीम तैनात केल्याचा उल्लेख केला आहे.

KBC 16: ‘कौन बनेगा करोडपती’मध्ये ७ कोटी जिंकायचेत? काय आहेत खास ट्रिक्स? जाणून घ्या विजेत्याकडून…

जॅकलिनच्या प्रेमात आकंठ बुडलाय सुकेश!

याशिवाय सुकेशने जॅकलिनला एक सरप्राईज दिले आहे. 'लेडी जॅकलिन' नावाची यॉट, जी त्याने २०२१मध्ये पाहिली होती. ही यॉट पूर्णपणे कायदेशीररित्या आणि कर भरून खरेदी केली गेली आहे. ती या महिन्यात वितरित केली जाईल. दोघांनीही स्वप्न पाहिलं होतं की, ते या यॉटमध्ये एकत्र वेळ घालवतील. म्हणूनच त्याने ती विकत घेतली आहे. सुकेशला जॅकलिनची खूप आठवण येत आहे. तसेच, तिला झालेल्या सर्व वेदनांची भरपाई करण्याचे आश्वासन त्याने या पत्रात दिले आहे. आम्ही ११ ऑगस्ट २०२५ रोजी 'रोमिओ आणि ज्युलिएट' स्टाईलमध्ये एकत्र वाढदिवस साजरा करू, असे त्याने म्हटले. त्याने या पत्रात असेही सांगितले की, ज्या १०० चाहत्यांनी त्याला खूप पाठिंबा दिला, त्यांना तो आयफोन १५ प्रो देणार आहे. यासाठी त्याची टीम यूट्यूबवरून विजेत्यांची निवड करेल.