एका टीव्ही शोच्या कथेवरून बनला होता शाहरुख खानचा 'हा' चित्रपट; क्लायमॅक्समध्ये दाखवलेली सत्य घटना!

शाहरुख खान, गायत्री जोशी आणि मकरंद देशपांडे अभिनीत ‘स्वदेस’ या चित्रपटाची कथा लोकांना खूप आवडली होती. पण, तुम्हाला माहित आहे का हा चित्रपट एका टीव्ही मालिकेवर आधारित होता, ज्यात चित्रपटाचे दिग्दर्शक आशुतोष गोवारीकर यांनी स्वत: अभिनेता म्हणून काम केले होते.

मालिकेत झळकले होते आशुतोष गोवारीकर!

दिग्दर्शक आशुतोष गोवारीकर यांनी एका मुलाखतीदरम्यान किस्सा सांगताना म्हटले होते की, 'एक अभिनेता म्हणून मी टीव्हीवर एक शो केला होता. मी झी टीव्हीसाठी 'वापसी' नावाची ही मालिका केली होती. या शोचा एक एपिसोड होता, ज्याच्या कथेने मला खूप प्रभावित केले.' आशुतोष गोवारीकर पुढे म्हणाले की, शोमध्ये ही कल्पना खूपच मर्यादित होती. टीव्हीचा हा भाग काही वेळासाठीच होता. त्यावर फिचर फिल्म बनवण्या इतपत ते कथानक मोठं नव्हतं. पण त्याच्या मनात कुठेतरी ती गोष्ट कायम घर करून राहिली. बऱ्याच वर्षांनंतर जेव्हा आशुतोष यांनी 'लगान' बनवला, तेव्हाही त्यांच्या मनात कुठेतरी असा विचार होता की, त्या मालिकेचा एपिसोड वाढवून त्यावर चित्रपट बनवायला हवा.

Akshay Kelkar : 'बिग बॉस मराठी'चा विजेता अक्षय केळकरची 'रमा' आहे तरी कोण? पहिल्यांदाच आली सगळ्यांसमोर!

क्लायमॅक्सही केला कॉपी!

‘स्वदेस’ या चित्रपटाची कथा एका मालिकेच्या प्रसंगावर आधारित होती, पण त्याचवेळी त्यातील काही दृश्ये ही एपिसोडची हुबेहूब कॉपी देखील होती. इतकंच नाही तर, चित्रपटाचा क्लायमॅक्सही एका सत्य घटनेवर आधारित होता. आशुतोष गोवारीकर म्हणाले की, जेव्हा ते या चित्रपटाचा क्लायमॅक्स कसा करायचे याचा विचार करत होते, तेव्हा अरविंद आणि त्याच्या पत्नीने दिलगाव नावाच्या ठिकाणी ही गोष्ट प्रत्यक्षात झाल्याचे पाहिले होते. यावर नंतर त्यांनी अभ्यास केला आणि नंतर क्लायमॅक्समध्ये हीच गोष्ट केली. चित्रपटाची कथा प्रेक्षकांची मने जिंकण्यात यशस्वी ठरली होती. या चित्रपटातील गाणी देखील खूप गाजली होती.