Lata Mangeshkar : लता मंगेशकर नेहमी पांढरी साडी का नेसायच्या? काय होतं कारण? जाणून घ्या

दोन्ही बहिणींनी फक्त पांढरा रंग का परिधान केला होता?

याबद्दल बोलताना आशा भोसले म्हणाल्या की, ‘दीदी (लता मंगेशकर) आणि मी नेहमी पांढऱ्या रंगाच्या साड्या परिधान करायचो. पांढरा रंग आपल्या त्वचेच्या रंगाला अधिक साजेसा वाटतो, असे आम्हाला वाटले. जर आम्ही वेगळा रंग परिधान केला तर, आम्ही अधिक सावळ्या दिसायचो. नंतर मी गुलाबी रंगाच्या साड्या घालू लागलो आणि दीदी माझ्याकडे जळजळीत कटाक्ष टाकायची. पण, मग मी हळूहळू गुलाबी रंगासोबत इतर रंग घालू लागले.’ 

आशा भोसले म्हणाल्या की, ‘लता दीदी जेव्हा जेव्हा मला सार्वजनिक ठिकाणी भेटत असत, तेव्हा त्या अतिशय औपचारिकरित्या वागायच्या पण घरात त्या आमच्या दीदी असायच्या.’ 

Lata Mangeshkar: क्रिकेटपटूच्या प्रेमात होत्या लता मंगेशकर, 'या' कारणामुळे राहिल्या अविवाहित

घरात आणि बाहेर वेगळ्या असायच्या दीदी!

आशा भोसले म्हणाल्या की, 'दीदी घरी अगदी नॉर्मल असायची. पण, दीदी बाहेर माझ्याशी अगदी विनम्र आणि औपचारिक स्वरात बोलायची, घरी आमचं नातं वेगळंच होतं. आम्ही घरात आमच्या मातृ भाषेत, मराठीत बोलायचो आणि आमचे संभाषण खूप कॉमन होते. पण घराबाहेर पडताच त्या 'लता मंगेशकर' असायच्या. एक महान व्यक्ती, एक आयकॉन आणि तेव्हा आमच्या समीकरणांमध्ये अचानक बदल व्हायचा. गायनाच्या बाबतीत आम्हा दोघींमध्ये कोणतेही नाते नसायचे. काम हे आमच्यासाठी काम असायचे.'

पॉडकास्टदरम्यान आशा भोसले म्हणाल्या, ‘जेव्हा गाण्याचा विषय यायचा, तेव्हा आमच्यात कोणतंही नातं नसायचं. बाहेरच्या जगात त्या लता मंगेशकर होत्या, त्या जगात त्यांचं स्वतःचं स्थान होतं. आम्ही घरी गप्पा मारल्या, पण बाहेर अनौपचारिक गप्पा होत नव्हत्या. ती आपली आभा, तिची उपस्थिती, लता मंगेशकर म्हणून तिचे स्थान टिकवून ठेवत असे.’ लता मंगेशकर यांच्या आवाजाने बॉलिवूडला एका वेगळ्या उंचीवर नेऊन ठेवले होते.  २०२२ साली लता मंगेशकर यांनी वयाच्या ९२ व्या वर्षी या जगाचा निरोप घेतला.