लग्न न करताच आई झालेली बॉलिवूडची ‘ही’ अभिनेत्री पोहोचली कोकणात; बॉयफ्रेंडसोबत करतेय धमाल!

कोकणात धमाल करतानाचे फोटो कल्कीने तिच्या सोशल मीडियावर शेअर केले असून, ते व्हायरल होत आहेत. यावेळी कल्कीने स्कुबा डायव्हिंगचा आनंद लुटला. नेहमी कलाकार सुट्टी घेऊन परदेशात फिरायला जाताना दिसतात. मात्र, कल्की कोचलीन हिने अशा फॅन्सी जागा सोडून कोकण किनारपट्टीची निवड केली आहे. नुकताच कल्कीने तिचा ४०वा वाढदिवस साजरा केला. यानिमित्तानेच ती सुट्टी घेऊन सिंधुदुर्गमध्ये पोहोचली होती. याबद्दल बोलताना कल्की म्हणाली की, ‘माझ्या मित्रपरिवाराला माहित आहे की, मला डायव्हिंग किती आवडते. पण आई झाल्यापासून मला या गोष्टींसाठी वेळच मिळालेला नाही. मात्र, यावेळी माझ्या मित्रमैत्रिणींनी मला आणि माझा पार्टनर गाय हर्शबर्ग याला सकाळी ६ वाजता एका ठिकाणी पोहोचायला सांगितलं’.

अभिनय नव्हे तर राणी मुखर्जीला ‘या’ क्षेत्रात करायचे होते काम! ‘अशी’ झाली कारकिर्दीची सुरुवात

मुलीला सोडून पहिल्यांदाच बाहेर पडलो!

पुढे कल्की म्हणाली की, ‘आम्ही तिथे पोहोचलो तेव्हा, एक बैलगाडी तिथे आमची वाट बघत उभी होतील. त्या बैलगाडीत आमचे डायव्हिंग गियर्स होते आणि ते बघून माझा आनंद गगनात मावत नव्हता. ही ट्रीप आमच्यासाठी खूपच रोमँटिक होती. पहिल्यांदाच आम्ही आमच्या चार वर्षांच्या मुलीपासून लांब राहिलो होतो. आमची मैत्रीण तिला सांभाळत होती. लेकीच्या जन्मानंतर पहिल्यांदाच आम्ही असे एकत्र बाहेर पडलो होतो. या सुट्ट्यांमुळे आम्हाला जाणवलं की, स्वतःसाठी असा वेळ काढणे खूप महत्त्वाचं आहे.’

अन्नू कपूर यांना कोट्यवधींचा चुना; पैसे घेऊन सीए आणि गुंतवणूक सल्लागार फरार!

कुठे गेली होती कल्की?

अभिनेत्री कल्की कोचलीन हि सिंधुदुर्गमधील परुळे गावातील एका सुंदर फार्महाउसमध्ये सुट्ट्यांचा आनंद घेत होती. यावेळी कल्कीने स्थानिक लोकांशी गप्पा मारल्या आणि कोकणातील जेवणाचा आस्वाद घेतला. स्कुबा डायव्हिंग आवडणारी कल्की कोचलीन नेहमीच मालदीवमध्ये डायव्हिंग करताना दिसली होती. मात्र, आता महाराष्ट्रातही अशी एक सुंदर जागा असल्याचे कळल्यानंतर मला फारच आश्चर्य वाटलं, असं ती म्हणाली.