चिप्सच्या दुकानात बसून घेतले अभिनयाचे धडे, अभिनेत्याची स्ट्रगल स्टोरी वाचून डोळ्यात येईल पाणी
बॉलिवूडमधील प्रसिद्ध अभिनेता हा जवळपास १४ वर्षे चिप्सच्या दुकानात काम करत होता. त्याने याच दुकानात काम करत असताना अभिनयाचे धडे घेतले.
बॉलिवूडमधील अनेक कलाकार आहेत जे आज यशाच्या शिखरावर पोहोचले आहेत. या कलाकारांना करिअरच्या सुरुवातीला प्रचंड मेहनत घ्यावी लागली होती. पण या कलाकारांनी मेहन करून यश मिळवत कोट्यवधी रूपयांची संपत्ती कमावली आहे. पण त्यांचा इथवरचा प्रवास हा कठीण होता. आम्ही तुम्हाला अशाच एका अभिनेत्याविषयी सांगत आहोत त्याला प्रचंड मेहनत घ्यावी लागली होती.
कोण आहे हा अभिनेता?
हा अभिनेता दुसरा तिसरा कोणी नसून बोमन इराणी आहे. बॉलिवूड अभिनेता बोमन इराणी यांनी सिनेसृष्टीत अनेक भन्नाट भूमिका केल्या आहेत. आमीर खानच्या 'थ्री इडियट्स'मधील डीन (व्हायरस) ची भूमिका असो किंवा मुन्ना भाई एमबीबीएसमधील अस्थानाची भूमिका असो, बोमन इराणी यांनी या सर्व भूमिका आपल्या अभिनयाने संस्मरणीय केल्या. बोमन इराणी यांचा अभिनय हृदयाला स्पर्श करणारा असतो. एका वेफर्सच्या दुकानात काम करताना त्यांनी ही कला पहिल्यांदा शिकली हे फार कमी लोकांना माहित आहे. बोमन यांच्या आजोबांनी हे दुकान सुरू केले होते आणि ते येथे काम करताना लोकांचे निरीक्षण करत असत.
आजोबांच्या दुकानात केले काम
खुद्द बोमन इराणी यांनी एका मुलाखतीत हा किस्सा सांगितला होता. एका कार्यक्रमादरम्यान अभिनेता म्हणाला, "माझे आजोबा इराणहून आले तेव्हा त्यांनी एक दुकान सुरू केले. 'गोल्डन वेफर्स' असं या दुकानाचं नाव होतं. आम्ही तिथे बटाट्याची चिप्स बनवून गरमागरम सर्व्ह करायचो. मी त्या दुकानात १४ वर्षे काम केले. आयुष्यभर याच ठिकाणी काम करत राहिलो आणि चिप्स विकत राहिलो तर माझ्या आयुष्याचं काय होईल, याची मला चिंता असायची. यानंतर बोमनने असे केले ज्यामुळे तो एक यशस्वी अभिनेता बनला.
बोमन इराणी यांनी सांगितले की, "त्यांनी त्या दुकानात बसून लोकांचे निरीक्षण करण्यास सुरुवात केली आणि अशा प्रकारे त्यांना अभिनयाचे पहिले धडे मिळाले. "मी दुकानात बसून लोकांचे निरीक्षण करू लागलो आणि ते मला त्यांच्या पात्रांबद्दल किती सांगतात हे पाहू लागलो. जर तुम्ही तुमची पर्स काढून माझ्यासमोर त्यातून पैसे काढले तर तुम्ही शो-ऑफ पर्सन आहात. जर आपण लपवले आणि पैसे काढले तर आपण स्पष्टपणे लोकांवर संशय घेत आहात किंवा आपल्याला संशय आहे."
वाचा: गोविंदाच्या या चित्रपटाचा अनोखा विक्रम, कथा लिहिण्यापूर्वी शूट करण्यात आली गाणी
पुढे ते म्हणाले, "जर तुम्ही तुमची पर्स उघडली आणि पैसे कुठे ठेवले आहेत हे तुम्हाला माहित नसेल तर तुम्ही खूप अव्यवस्थित व्यक्ती आहात. या सगळ्या गोष्टींबद्दल मी नोट्स बनवायला सुरुवात केली. त्याच चिप्सच्या दुकानात बसून मी हे सगळं शिकायला लागलो आणि तोच माझा अभिनयाचा अभ्यास होता." बोमन इराणी यांच्या या मुद्द्याला भरभरून दाद मिळाली कारण कथेने ते किती उत्कट आहेत, हे तर दाखवून दिलेच, पण त्याचबरोबर अभिनय विश्वात यशस्वी होण्यापूर्वीचा त्यांचा संघर्षही दाखवला.
संबंधित बातम्या