Bhumi Pednekar: पहिल्याच हिट सिनेमानंतर भूमी पेडणेकरने २४ चित्रपटांना दिला नकार, काय होते कारण?

भूमीचा पहिला सिनेमा

२०१५मध्ये 'दम लगा के हईशा' या चित्रपटाद्वारे भूमीने चित्रपटसृष्टीत पदार्पण केले होते. या चित्रपटात तिच्यासोबत अभिनेता आयुष्मान खुरानाही मुख्य भूमिकेत दिसला होता. प्रेक्षकांनाही हा चित्रपट खूप आवडला होता. या चित्रपटात एका लठ्ठ महिलेची कथा दाखवण्यात आली आहे. भूमीने या महिलेची भूमिका उत्तम प्रकारे साकारली होती. या चित्रपटासाठी तिला फिल्मफेअरचा सर्वोत्कृष्ट महिला पदार्पण पुरस्कारही मिळाला होता. 'दम लगा के हईशा' चित्रपटादरम्यान भूमीचे वजन ७२ किलो होते. या चित्रपटात भूमीने एका जाड मुलीची भूमिका साकारली होती, ज्यासाठी तिने सुमारे ३० किलो वजन वाढवले होते. या चित्रपटात भूमीने जबरदस्त अभिनय केला आहे. चित्रपट प्रदर्शित झाल्यानंतर भूमी पेडणेकरने अवघ्या काही महिन्यांत तिचे वजन पूर्णपणे कमी करत चाहत्यांना आश्चर्याचा धक्का दिला होता.

३२ किलो वजन केले कमी

ग्लॅमरस आणि स्लिम फॉर्ममध्ये भूमी पेडणेकरला पाहून सगळेच थक्क झाले होते. भूमीचा फिटनेसचा प्रवास तिच्या पहिल्या चित्रपटापासून आतापर्यंत कायम आहे. फिटनेसच्या मागे भूमी खूप मेहनत घेताना दिसत आहे. वर्कआऊटसह काटेकोर डाएट फॉलो केल्यामुळे तिने काही महिन्यांतच ३२ किलो वजन कमी केले होते.
वाचा : पावसाळ्यात कपडे वाळवणं ही सुद्धा एक कलाच ! कुशल बद्रिकेची मजेशीर पोस्ट व्हायरल

‘दम लगा के हईशा’पासून ते ‘बधाई दो’पर्यंत भूमीने नेहमीच वेगवेगळ्या आणि हटके विषयांवरील चित्रपट निवडले. ‘भक्षक’, ‘लेडीकिलर’, ‘थँक्यू फॉर कमिंग’, ‘भीड’, ‘बधाई दो’, ‘शुभ मंगल सावधान’, ‘टॉयलेट- एक प्रेम कथा’, ‘बाला’, ‘लस्ट स्टोरीज’, ‘अफवा’, ‘सांड की आँख’ अशा चित्रपटांचाही या यादीत समावेश आहे. ‘दम लगा के हईशा’ या चित्रपटानंतर भूमी पेडणेकरला बऱ्याच चित्रपटांच्या ऑफर आल्या. तिने जवळपास २४ चित्रपट नाकारले होते. काहींचे कथानक आवडले नाही तर काहींच्या तारख्या जुळून येत नव्हत्या. त्यामुळे करिअरच्या सुरुवातीलाच भूमिने २४ चित्रपट नाकारले होते.