अवघ्या ६ हजारांसाठी विक्रांत मेस्सीने केली होती अभिनयाची सुरुवात! अन् पुढे घडला इतिहास...

विक्रांत मेस्सी हा मनोरंजन विश्वाची पार्श्वभूमी नसलेल्या एका विश्वातून आला आहे. त्यामुळे हा प्रवास त्याच्यासाठी थोडा कठीण होता. विक्रांतने चित्रपटात काम करण्यापूर्वी नृत्याचे प्रशिक्षण घेतले होते. २००७मध्ये विक्रांत मेस्सीने एका डान्सिंग रिॲलिटी शोमध्येही भाग घेतला होता. मात्र, या शोनंतर विक्रांतला फारशी ओळख मिळाली नाही. या शोनंतर विक्रांत 'धरम वीर', 'बालिका वधू' आणि 'गुमराह' सारख्या अनेक टीव्ही शोमध्ये दिसला. यानंतर विक्रांतच्या हातात ‘लुटेरा’ चित्रपट आला आणि त्याची इथवरची मेहनत फळाला आली.

११वीत नापास, अर्धांगवायूचा झटका तरीही जिद्द सोडली नाही! वाचा प्रभू देवाची संघर्षकथा

६०००साठी स्वीकारली पहिली ऑफर!

जेव्हा विक्रांत मेस्सी टीव्हीवर काम करत होता, तेव्हा त्याला एका महिन्यात चार एपिसोड शूट करावे लागायचे आणि प्रत्येक एपिसोडसाठी त्याला ६००० रुपये मिळायचे. पहिल्यांदा ही ऑफर ऐकल्यावर विक्रांतने लगेच हिशोब केला आणि आपल्याला २४ हजार रुपये प्रति महिना मिळणार या विचारानेच त्याने या ऑफरला लगेचच होकार दिला. मात्र, ही ऑफर पैशासाठी नाही तर शिकण्याच्या इच्छेने स्वीकारल्याचे विक्रांतने सांगितले होते.

रेवतीचा जीव वाचवण्यासाठी ‘हिटलर’ अभिराम करणार लीलाची मदत! ‘नवरी मिळे हिटलरला’मध्ये रंजक वळण

अभिनयाने गाजवले अनेक चित्रपट आणि मालिका!

अभिनेता विक्रांत मेस्सी याने ‘लुटेरा’नंतर अनेक उत्तम चित्रपटात काम केले आहे. विक्रांत मेस्सीने दीपिका पदुकोणसोबत ‘छपाक’ या चित्रपटातही काम केले होते. या चित्रपटातील विक्रांतच्या कामाचेही खूप कौतुक झाले. याशिवाय विक्रांत मेस्सीला सर्वात लोकप्रिय वेब सीरिज ‘मिर्झापूर’मधूनही विशेष ओळख मिळाली. ही मालिका हिट झाल्यानंतर विक्रांतची कारकीर्दही उंचावू लागली. विक्रांतने त्याच्या कारकिर्दीत अनेक उत्तम चित्रपटांमध्ये दमदार अभिनय कौशल्य दाखवले आहे. तापसी पन्नूसोबतच्या ‘हसीन दिलरुबा’ या चित्रपटात देखील विक्रांत मेस्सी याने दमदार भूमिका साकारली होती.