Bigg Boss OTT 3: पुन्हा एकदा विशाल आणि अरमानमध्ये जुंपली! युट्युबर चिडून म्हणाला, ‘तुझ्यासारख्या लोकांना मी...’

झॉम्बी टास्कदरम्यान अरमान आणि विशाल यांच्यात भांडण झाले होते. शिवानी आणि कृतिका टास्कमध्ये भांडत होत्या, तोपर्यंत अरमान त्याच्या पत्नीच्या वतीने शिवानीसोबत भांडू लागला होता. तर, विशाल शिवानीच्या बचावात बोलत होता. तेव्हा अरमान आणि विशाल यांच्यात भांडण सुरू झाले. रणवीर शौरीने दोघांना शांत करण्याचा प्रयत्न केला. यानंतर अरमान लिव्हिंग एरियामध्ये कृतिकासोबत बसून भांडणाबद्दल बोलत होता. कृतिका म्हणाली की, त्या लोकांनी अरमानचा अपमान कसा केला की, तो ८वी फेल आहे आणि त्याला इंग्रजीत मेसेजही टाइप करता येत नाहीत.

अरमानला आला राग!

आपल्याबद्दल लोक असं बोलतायत हे ऐकून अरमानच्या रागाचा पारा चांगलाच वाढला. या रागाच्या भरात अरमान म्हणाला की, ‘मी आठवी फेम असलो तरी, यांच्यासारख्या लोकांना नोकर म्हणून कामावर ठेऊ शकतो. काही लोक आपले बुडलेले करिअर पुनर्जीवित करण्यासाठी इथे येत आहेत.’ 

यावेळी अरमानने सगळ्यांची नावे घेतली. तो म्हणाला, सना मकबूलची कारकीर्द बुडाली आहे, विशाललाही कुठेही काम मिळत नाही, तेव्हाच तो इथे आला आहे. इथून थोडी प्रसिद्धी मिळेल, असं त्याला वाटत आहे. लवकेशला तर स्वत:चे काहीच नाव नाही. हे लोक बाहेरच्या जगाचे चमचे आहेत. यादरम्यान अरमानने विशालला खूप शिवीगाळ केला आहे. इतकंच नाही तर, यावेळी त्याने विशालला खूप घालून पाडून बोलण्याचा बिभित्स प्रकार केला आहे.

Gharoghari Matichya Chuli: हृषिकेश-जानकीच्या संगीत सोहळ्यात ऐश्वर्या आणणार नवं विघ्न! काय असणार तिचा नवा डाव?

अरमानला आता सोशल मीडियावर खूप ट्रोल केले जात आहे. अरमानच्या बोलण्यानंतर सगळेच त्यावर टीका करू लागले आहेत. तर, अरमान पुन्हा एकदा ‘बिग बॉस’च्या घरात फिजिकल झाला असून, त्याने दुसऱ्यांदा घराचे नियम मोडले आहेत, अशी कमेंट काहीजण करत आहेत. आता बिग बॉस किंवा अनिल कपूर यांनी त्यांच्यावर कारवाई करावी, अशी मागणी सगळेच करत आहेत.