Bigg Boss OTT: एकाच वेळी बिग बॉस ओटीटीच्या घरातून दोन कलाकार बाहेर, कोण आहेत ते स्पर्धक?

'बिग बॉस ओटीटी' ३मधून दीपक चौरसियाच्या घराबाहेर पडल्यानंतर एलिमिनेशन होणार नाही असे सर्वांना वाटत होते. पण बिग बॉसने पुन्हा एकदा खेळ उलटवला आहे. बिग बॉस ओटीटीच्या घरातील दोन स्पर्धकांचा प्रवास संपल्यामुळे प्रेक्षकांना देखील बसला आहे. आता हे स्पर्धक कोण आहेत? असा प्रश्न सर्वांना पडला आहे.

कोणते दोन स्पर्धक पडले घराबाहेर?

रिअॅलिटी शो बिग बॉस ओटीटी ३ मध्ये वाइल्ड कार्ड एन्ट्री म्हणून आलेला अदनान शेख आणि सतत सर्वांचे लक्ष वेधून घेणारी सना सुलतान घराबाहेर पडली आहे. लव कटारिया आणि एल्विश यादव यांचा कट्टर शत्रू मानला जाणारा अदनान शेख जेव्हा घरात आला, तेव्हा जबरदस्त अॅक्शन पाहायला मिळाली होती. मात्र लव कटारियासोबत काही शाब्दिक भांडण झाल्यानंतर दोघांमध्ये काहीशी मैत्री झाली होती. बहुतेक वेळा दोघेही एकत्र वेळ घालवताना दिसले. अदनान शेखने बाहेरच्या बहुतेक गोष्टींबद्दलही वक्तव्य केले. त्यामुळे बिग बॉसने देखील अदनानला फटकारले होते.
वाचा: मनोज बाजपेयीचा 'भैय्या जी' ओटीटीवर रिलीज होणार, जाणून घ्या कधी आणि कुठे

नेटकऱ्यांनी दिल्या प्रतिक्रिया

एकीकडे अदनान शेख सारखा इतर घरातील कोणताही स्पर्धक दिसला नसल्यामुळे नेटकऱ्यांनी टीका केली होती. तर दुसरीकडे सना सुलतानीने घरात बॉम्ब टाकले होते. ती सतत चिडून घरात ड्रामा क्रिएट करत असल्याचे नेटकऱ्यांनी म्हटले. सना सुलतानीने अनेकदा अनिल कपूरवरही टीका केली होती. मात्र, ऐकेल ती सना सुलतान कुठली? एका यूजरने अदनान हा एलिमिशेनपासून सेफ होता तरीही तो घराबाहेर कसा गेला? असा प्रश्न उपस्थित केला आहे.