Bigg Boss Marathi: आर्या जाधवपाठोपाठ अखेर 'या' स्पर्धकाचा घरातील प्रवास संपला
Bigg Boss Marathi 5 Update: एकाच आठवड्यात बिग बॉस मराठीच्या घरातील दोन स्पर्धकांना घराबाहेर पडावे लागल्यामुळे सर्वांनाच धक्का बसला.
छोट्या पडद्यावरील वादग्रस्त पण तितकाच लोकप्रिय शो म्हणून बिग बॉस मराठी पाहिला जातो. दिवसेंदिवस बिग बॉसचा पाचवा सिझन हा आणखी रंगतदार ठरत आहे. याच आठवड्यात घरातील स्पर्धक आर्य जाधवने निक्की तांबोळीला मारल्यामुळे घराबाहेर पडावे लागले. आर्या घराबाहेर पडताच प्रेक्षकांनी नाराजी व्यक्त केली. तसेच या आठवड्यात कदाचित कोणीही नॉमिनेट होणार नाही असे सर्वांना वाटत होते. पण थेट बिग बॉसच्या घरातून आणखी एका स्पर्धकाला बाहेर पडावे लागले आहे.
कोण घराबाहेर पडले?
महाराष्ट्राच्या मातीतला बारामतीचा रांगडा गडी म्हणजेच अभिनेता वैभव चव्हाणचा 'बिग बॉस मराठी'च्या घरातील प्रवास संपला आहे. या आठवड्यात वैभवसह अभिजीत सावंत, वर्षा उसगांवकर, निक्की तांबोळी, अंकिता वालावलकर आणि आर्या हे सदस्य नॉमिनेट झाले होते. यात आर्याला बिग बॉसच्या घरातून निष्कासित केले गेले. तर प्रेक्षकांच्या वोटिंगचा मान ठेवत वेभव चव्हाणला घराबाहेर पडावे लागले. एकाच आठवड्यात बिग बॉसच्या घरातील दोन स्पर्धकांना बाहेर पडावे लागल्यामुळे प्रेक्षकांना धक्का बसला आहे.
घराबाहेर पडणाऱ्या स्पर्धकाविषयी
वैभव चव्हाणने आपल्या कातिल लूकने सर्वांनाच घायाळ केलं आहे. लढवैया, बिनधास्त आणि जिद्दी व्यक्तिमत्त्व असणारा वैभव 'बिग बॉस मराठी'चा खेळ खेळण्यात कुठेतरी कमी पडला. वैभव चव्हाण अशी ओळख मिळवण्यापेक्षा 'अरबाज 2' अशी ओळख त्याने मिळवली. कधी गद्दारी केल्याने तर कधी रांगड्या मातीत परदेशी प्रेमाचं रोपटं लावल्याने तो चर्चेत होता. आता वैभव घराबाहेर पडल्याने त्याच्या चाहत्यांना मात्र मोठा धक्का बसला आहे.
हिरो होण्याची वैभवला अनेकदा संधी मिळाली होती. रितेश भाऊनेदेखील त्याला वारंवार सांगितलं होतं. पण मिळालेल्या संधीचं वैभव सोनं करू शकला नाही. 'बिग बॉस मराठी'चा खेळ वैभव चांगला खेळला. पण तो आणखी चांगला खेळू शकला असता. इनव्हेस्टमेंट बॉक्समध्ये असलेले 50 पॉईंट्सच्या दोन कॉइनचे नॉमिनी वैभवने जान्हवी आणि अरबाजला दिले.
वाचा: 'बिग बॉस मराठी'साठी अभिजीत-निक्कीने घेतले लाखो रुपये, सूरज चव्हाणला आठवड्याला किती मिळते फी?
स्पर्धकाने व्यक्त केल्या भावना
बिग बॉस मराठीच्या घराचा निरोप घेतल्यानंतर वैभव चव्हाण म्हणाला,"तुम्ही दिलेले सल्ले मी फॉलो करायला हवे होते. पण मिळालेल्या संधीचं सोनं करता आलं नाही याचं मला खरचं खूप दु:ख आहे. आता बाहेर पडल्यानंतर मला जान्हवीची खूप आठवण येईल. तर अरबाजसोबतची लढाई अजून बाकी आहे. बाकी सदस्यांना उत्तम खेळण्यासाठी शुभेच्छा देतो".
