Bigg Boss Marathi: निक्कीला आईने सांगितले अरबाजच्या साखरपुड्याविषयी, 'बिग बॉस मराठी'च्या घरात नवा राडा

कलर्स मराठी वाहिनीने त्यांच्या अधिकृत इन्स्टाग्राम अकाऊंटवर बिग बॉस मराठी सिझन ५च्या आगामी भागाचा प्रोमो शेअर केला आहे. या प्रोमोमध्ये आजच्या भागात निक्की तांबोळीची आई घरात आल्याचे पाहायला मिळाले. निक्कीची आई घरातच येताच बोलताना दिसते की, 'अरबाज चुकीचा चालला आहे. त्याने असं नाही करायला पाहिजे. त्याचा साखरपुडा झालेला आहे.' त्यावर निक्कीला धक्का बसतो. ती विचारते कोणाचा, 'साखरपुडा?' त्यावर निक्कीची आई सांगते, 'अरबाजचा साखरपुडा झालेला आहे.'

निक्कीला बसला धक्का

व्हिडीओमध्ये निक्की अतिशय चिडलेली दिसत आहे. ती म्हणते, 'आता मी सांगते बिग बॉस आता जर तो आला तर मी मेंटली पागल होईल. हे अरबाज निक्की जे होतं ना ते आता संपलं आहे.' त्यानंतर निक्की अरबाजचे सगळे कपडे आणि मग गोळा करते. ते स्टोअर रुममध्ये जाऊन ठेवते. तसेच बिग बॉसला ते फेकून देण्यास सांगते. निक्कीला अरबाजचे सत्य कळताच धक्का बसतो. ती खूप दुखावली गेल्याचे पाहायला मिळत आहे.

नेटकऱ्यांनी केल्या भन्नाट कमेंट

सोशल मीडियावर बिग बॉस मराठी ५चा हा प्रोमो व्हायरल होताच अनेकांनी कमेंट केल्या आहेत. एका यूजरने ‘बाई काय हा प्रकार असे आता निक्की बोलेले’ अशी कमेंट केली आहे. दुसऱ्या एका यूजरने ‘बरं झालं निक्कीला कळाले ते’ असे म्हटले आहे. तिसऱ्या एका यूजरने ‘तरी सुरज सांगत होता गुलीगत धोका… बुक्कीत टेंगुळ’ असे म्हटले आहे.
वाचा: 'सासरचं धोतर' सिनेमामुळे दादा कोंडके यांचे पुतण्यासोबत झाले होते वाद, वाचा काय आहे प्रकरण?

बिग बॉस मराठीचा पाचवा सिझन सुरु झाल्यापासूनच अरबाज आणि निक्की यांची चांगलीच चर्चा रंगली होती. त्या दोघांमध्ये जवळीक निर्माण होत असल्याचे दिसत होते. अरबाज देखील निक्कीच्या प्रेमात असल्याचे दिसत होते. पण आता अरबाजचा साखरपुडा झाल्याची माहिती आईने देताच निक्कीला मोठा धक्का बसला आहे. आता शोच्या आगामी भागात काय होणार? हे जाणून घेण्यासाठी सर्वजण उत्सुक आहेत.