Bigg Boss Marathi 5: मानकाप्याच्या टास्कमुळे वाद वाढणार; अभिजीत सावंतही निक्की तांबोळीची साथ सोडणार?

‘बिग बॉस मराठी ५’च्या घरात सध्या मानकाप्याच्या टास्क सुरू आहे. या टास्कमध्ये घरातील सगळ्या स्पर्धकांना दोन लोकांच्या जोडीमध्ये बांधण्यात आले आहे. या जोड्या बांधून ठेवण्यासाठी त्यांना एक पट्टा देण्यात आला आहे. हा पट्टा बांधूनच त्यांना घरात जोडीने वावरावं लागत आहे. आता घरातील सगळं सामान संपलं आहे. त्यामुळे हे सामान विकत घेण्यासाठी बीबी करन्सीची गरज आहे. तर, ही बीबी करन्सी मिळवण्यासाठी आता स्पर्धकांना एक विशेष टास्क खेळावा लागणार आहे. या टास्कसाठी ३ जोड्यांच्या दोन टीम बनवण्यात आल्या असून, या टीममधील लोकांना जोडीने एका गुहेच्या तोंडापाशी जायचे आहे. तर, यातील एकाला बाहेर थांबून, दुसऱ्याला आतमध्ये जाऊन, गुडघ्यावर रेंगत सोन्याची नाणी बाहेर उभ्या असलेल्या जोडीदाराकडे द्यायची आहेत.

Bigg Boss Marathi: जोड्या घरात बांधलेल्या असतात; 'बिग बॉस मराठी'च्या घरातील नवी जोडी पाहिलीत का?

निक्की खेळणार स्वतःचा बिग बॉस!

या टास्कमध्ये बाहेर उभ्या असलेल्या एका स्पर्धकाला आपल्या जवळील नाणी वाचवून ठेवण्याचा प्रयत्न करायचा आहे. आता या टास्कमध्ये देखील खेचाखेची, ओढाओढी पाहायला मिळणार आहे. यातही आता निक्की आपला स्वतःचा वेगळा खेळ सुरू करणार आहे. ती समोरच्या टीमची नाणी अपात्र ठरवून फेकून देणार आहे. यावेळी घरातील सगळेच लोक तिला सामान मिळवणं किती महत्त्वाचं आहे, हे तिला समजावण्याचा प्रयत्न करणार आहे. मात्र, निक्की कुणाचं काही ऐकायला तयार नाही. त्यामुळे आता सगळे तिच्यावर चिडणार आहेत.

अभिजीत सोडणार निक्कीची साथ

दोन दिवस निक्कीची बाजू घेऊन सगळ्यांशी भांडणारा अभिजीत आता तिच्यावर चिडणार असून, ‘मला हिचा पार्टनर नाही राहायचं’, असं म्हणणार आहे. तर, आपलं बंधन सोडून तो निघून जाताना दिसणार आहे. अभिजीतचा हा निर्णय ऐकून आता घरातील सगळे त्याचं कौतुक करणार आहे. मात्र, आता अभिजीत पुढे काय निर्णय घेणार, हे लवकरच कळणार आहे.