Bigg Boss: 'बिग बॉस १८'च्या घरात दिसणार दयाबेन? निर्मात्यांनी मानधन म्हणून दिले कोट्यवधी रुपये
Bigg Boss: यावेळी बिग बॉस 18 मध्ये कोणते सेलेब्स येणार याबद्दल सोशल मीडियावर वेगवेगळी नावं समोर येत आहेत. आतापर्यंत निया शर्माचे नाव कन्फर्म नावांमध्ये समोर आले आहे. मात्र, आता निर्मात्यांनी या शोसाठी दिशा वकानीशी संपर्क साधल्याची माहिती समोर आली आहे.
बॉलिवूडचा भाईजान सलमान खान सूत्रसंचालन करत असलेला शो बिग बॉस 18 लवकरच सुरू होणार आहे. बिग बॉसचे चाहते या शोची आतुरतेने वाट पाहत आहेत. या शोमध्ये कोणते सेलेब्स सहभागी होणार याची जोरदार चर्चा सोशल मीडियावर सुरू आहे. या नावांमध्ये दिशा वकानीचं ही नाव समोर येत आहे. काही रिपोर्ट्सनुसार, तारक मेहता शोमध्ये दयाबेनची भूमिका साकारणाऱ्या दिशालाही या शोसाठी अप्रोच करण्यात आले आहे. यासाठी निर्मात्यांनी त्याला मोठ्या रकमेची ऑफरही दिली आहे.
दिशाला किती मिळणार होते मानधन
समोर आलेल्या माहितीनुसार, बिग बॉस १८ च्या निर्मात्यांनी शोसाठी दयाबेन उर्फ दिशा वकानीशी संपर्क साधला आहे. दिशाला बिग बॉस शोची ऑफर येण्याची ही पहिलीच वेळ नाही. दिशाला शोमध्ये आणण्यासाठी निर्मात्यांनी तिला मोठ्या रकमेची ऑफर दिल्याचेही वृत्त आहे. रिपोर्ट्सनुसार, दिशा वकानीला ६५5 कोटी रुपयांची ऑफर देण्यात आली आहे. बिग बॉसच्या इतिहासात कोणत्याही सेलिब्रिटीला दिलेल्या रकमेपेक्षा ही रक्कम जास्त आहे.
दिशाने दिला होकार?
मात्र, अद्याप निर्माते किंवा दिशा वकानी यांच्याकडून कोणतेही अधिकृत वक्तव्य समोर आलेले नाही. त्यामुळे दिशा वकानी या शोमध्ये सहभागी होणार की नाही हे अद्याप निश्चित झालेले नाही. दिशा जर या शोमध्ये दिसली तर तिचे चाहते जवळपास सात वर्षांनंतर तिला टीव्हीवर पाहतील.
यंदा शोमध्ये काय पाहायला मिळणार?
बिग बॉस १८ चा प्रीमियर ६ ऑक्टोबर ला होणार आहे. दरवर्षीप्रमाणे यंदाही सलमान खान हा शो होस्ट करणार आहे. या शोचे काही प्रोमोही समोर आले आहेत. बिग बॉस 18 मध्ये निर्माते 'जेल' ही संकल्पना पुन्हा आणत असल्याची चर्चा सोशल मीडियावर सुरू आहे. त्याचबरोबर यावेळी या शोमध्ये कुटुंबातील अनेक जुने सदस्यही दिसू शकतात, अशी माहिती समोर येत आहे. यावेळी या शोमध्ये नवीन काय असणार याकडे सर्वांचे लक्ष लागले आहे.
वाचा: तोंडाला रुमाल बांधलेल्या सूरजला हॉटेलमध्ये मिळत नव्हती एण्ट्री, रुमाल काढताच गर्दी जमली अन्...
कोणते कलाकार दिसणार?
बिग बॉस १८मध्ये यावेळी कोणते कलाकार दिसणार याकडे सर्वांचे लक्ष लागले आहे. त्यामध्ये निया शर्मा आहे. तसचे अर्जुन बिजलानीच्या नावाची जोरदार चर्चा रंगली आहे. यासोबतच मराठी बिग बॉस गाजवणारा अरबाज पटेल देखील हिंदीमध्ये सहभागी होण्याची शक्यता वर्तवली जात आहे.
संबंधित बातम्या