Bigg Boss 18: पुन्हा एकदा सवती येणार आमने-सामने? ‘बिग बॉस १८’मध्येही दिसणार कृतिका आणि पायल मलिक?

दरम्यान, आता या शोमध्ये कोणाच्या नावाचा समावेश केला जाऊ शकतो, याबाबत मोठा खुलासा झाला आहे. 'बिग बॉस ओटीटी ३'ची सर्वात वादग्रस्त स्पर्धक म्हणजेच कृतिका मलिक हिला या शोसाठी विचारणा झाल्याची बातमी समोर आली आहे. असे बोलले जात आहे की, गोलू पुन्हा एकदा बिग बॉसमध्ये दिसणार आहे. आता पायल आणि कृतिकानेच या वृत्तांमध्ये किती तथ्य आहे हे उघड केले आहे. नुकत्याच रिलीज झालेल्या त्यांच्या या व्लॉगमध्ये दोघांनीही चाहत्यांना एक मोठे सरप्राईज दिले आहे.

Gharoghari Matichya Chuli: सहनशक्ती संपली! नाना सत्य सांगणार; ‘घरोघरी मातीच्या चुली’मध्ये येणार मोठा ट्वीस्ट

पायलने गुपित केले उघड!

पायलने तिच्या फॅमिली व्लॉगमध्ये खुलासा केला आहे की, कृतिकाला 'बिग बॉस १८'साठी ऑफर मिळाली आहे. खुद्द पायलने तिच्या व्लॉगवर चाहत्यांना हे सांगितले आहे. या व्लॉगमध्ये ती काही पोस्टर्स आणते आणि सर्वांना सांगते की, गोलूला बिग बॉसची ऑफर मिळाली आहे आणि ती ‘बिग बॉस १८’मध्ये येत आहे. यानंतर पायल आणि कृतिकाही आनंदाने नाचताना दिसत आहेत. व्लॉगमध्ये दोघींचा उत्साह स्पष्टपणे दिसत आहे. मात्र, नंतर दोघींमध्ये राग रुसवा देखील दिसून येतो.

‘बिग बॉस १८’मध्ये जाण्यास उत्सुक!

पायल या व्लॉगमध्ये म्हणते की, 'आमची गोलू जात नाहीये, मी तिला घरी राहायला सांगितले आहे. तिला ४० दिवस राहायला सांगतेय, मी निघतेय. पण, ती मला जाऊ देत नाही.’ यानंतर कृतिका येते आणि पायलला सांगते की, 'मी तुला असं उदास बघू शकत नाही. मी बिग बॉसमध्ये जाणार आहे, बिग बॉसने मला कृतिका म्हणून हाक मारली की, मला खूप आवडते.’ यावर पायल तिची खिल्ली उडवते आणि म्हणते की, बिग बॉस तुला बोलवतही नाहीत. आता खरंच या दोघींपैकी एक ‘बिग बॉस १८’च्या घरात दिसणार का, हे येत्या काळात कळणार आहे.