Bigg Boss 18: 'बिग बॉस १८'च्या घरातून आणखी एक स्पर्धक एलिमिनेट! 'या' कारणांमुळे पकडला बाहेरचा रस्ता

कोणत्या स्पर्धकाचा प्रवास संपला?

या आठवड्यात 'बिग बॉस १८'मधून बाहेर काढण्यासाठी नॉमिनेट करण्यात आलेल्या स्पर्धकांमध्ये सारा खान, कशिश कपूर आणि ईशा सिंह यांचाही समावेश होता . ईशा सिंह आणि सारा खान या स्पर्धकांपैकी एकीला घरातून बाहेर काढलं जाईल, असे सगळ्यांना वाटत होते. मात्र, या 'वीकेंड का वार' शोमध्ये ज्या स्पर्धकाचा प्रवास संपला आहे, ती सारा अरफीन खान आहे. 'बिग बॉस १८'च्या फॅन पेज 'लाइव्ह फीड अपडेट'नुसार, सारा अरफीन खान या आठवड्यात बाहेर पडली आहे. तिच्या बेघर होण्याला ५ मोठी कारणं आहेत.

Bigg Boss 18: 'बिग बॉस १८'च्या घरात होणार एकता कपूरचा तांडव! स्पर्धकांना वाचवायला सलमानही नसणार

कशामुळे सारा पडली बाहेर?

> सारा अरफीन खान ही रजत दलालची पहिली प्रायोरिटी होती, असे रजतने अनेकदा सांगितले आहे. त्याने साराला अनेक वेळा नॉमिनेट होण्यापासून वाचवले. पण, खेळात तिचे स्वतःचे योगदान फारसे नव्हते.

> सारा अरफीन खान आठवडाभर शांत असायची, पण नॉमिनेशनच्या वेळी घरातील कुणी तिला नॉमिनेट केले, तर ती रागाच्या भरात गोंधळ घालायला लागायची. नॉमिनेशनच्या वेळीच सारा सक्रिय होतं होती, असे म्हणता येईल.

> सारा खानने या घरात व्हिक्टिम कार्ड खेळण्याचा प्रयत्न केला आहे. तिने पती अरफीन खानसोबतच्या तिच्या वैयक्तिक आयुष्यातील दुर्घटनेचा उल्लेख करून चाहत्यांकडून सहानुभूती मिळविण्याचा प्रयत्न केला.

> सारा खानने घरात अनेक वेळा मर्यादा ओलांडल्या आहेत. कुटुंबातील सदस्यांवर वैयक्तिक हल्ला असो किंवा वस्तू उचलून फेकणे असो. सगळा खेळ काही वेळा चिडचिड करणारा असायचा.

> सारा आरफीन खानला 'बिग बॉस १८'मधून बाहेर काढण्याचे सगळ्यात मोठे कारण म्हणजे, सारा पूर्णपणे रजत दलालवर अवलंबून होती. तिचे कुटुंबातील इतर सदस्यांशी असलेले संबंध खूपच कमकुवत होते किंवा अगदी नाममात्र होते. घरातील सदस्यांशी संबंध नसेल तर, शोमध्ये राहणे कठीण आहे, हे सगळ्यांनाच माहीत आहे. याच कारणामुळे साराला १२व्या आठवड्यात बेघर व्हावे लागले.