Asin Birthday: 'गजनी'मधून गाजल्यानंतरही असिनने का ठोकला मनोरंजन विश्वाला रामराम?

असिनने मोठ्या पडद्यावर अनेक बड्या अभिनेत्यांसोबत रोमान्स केला होता. असिनचा जन्म २६ ऑक्टोबर १९८५मध्ये कोचीमध्ये झाला होता. ती मल्याळी कॅथलिक कुटुंबात जन्माला आली होती. असिनचे वडील सीबीआय अधिकारी होते. तर, तिची आई पेशाने सर्जन होती. असिन लहानपणापासूनच अभ्यासात खूप हुशार होती. तिला दहावीत ९० टक्के गुण मिळाले होते. तिने इंग्रजी साहित्यात कला शाखेची पदवी प्राप्त केली. असिनने २००१मध्ये एका मल्याळम चित्रपटातून तिच्या अभिनय कारकिर्दीला सुरुवात केली होती.

Pooja Hegde: पूजा हेगडेने खरेदी केली महागडी कार; 'इतक्या' किंमतीत तुमचा आलिशान राजवाडा बनेल!

वयाच्या अवघ्या १५व्या वर्षी तिने पहिल्या चित्रपटात काम केले होते. पहिल्याच चित्रपटातून असिनला भरपूर प्रसिद्धी मिळाली होती. या चित्रपटाने असिनला फिल्मी दुनियेत पुढे जाण्यासाठी खूप मदत केली. अभिनेत्री असण्यासोबतच असिन एक प्रशिक्षित भरतनाट्यम नृत्यांगना देखील आहे. याशिवाय तिला आठ भाषांचे ज्ञान आहे. २००१ नंतर ती अनेक साऊथ चित्रपटांमध्ये दिसली. तर, २००८मध्ये आलेल्या 'गजनी' चित्रपटातून तिने बॉलिवूडमध्ये एंट्री केली होती. या चित्रपटात ती अभिनेता आमिर खानसोबत झळकली होती. त्यांचा हा चित्रपट तुफान गाजला होता. असिनची कारकीर्द यशाच्या शिखरावर असतानाच तिने लग्नगाठ बांधण्याचा निर्णय घेतला होता.

२०१६मध्ये अभिनेत्रीने बिझनेसमन राहुल शर्मासोबत लग्नगाठ बांधली होती. असिनचा पती राहुल शर्मा हा मायक्रोमॅक्सचा सह-मालक आहे. लग्नानंतर अवघ्या वर्षभरातच असिनने २०१७मध्ये अरिनला म्हणजेच मुलीला जन्म दिला. लग्न आणि मुलगी झाल्यानंतरच असिनने स्वतःला फिल्मी जगापासून दूर केले आणि आता ती आपल्या मुलीच्या संगोपनात वेळ घालवत आहे.

Sussanne Khan Birthday: लग्नाच्या नात्यातून मुक्त होण्यासाठी सुझानने हृतिककडे मागितले होते 'इतके' पैसे!