Asur 2 Twitter Review: 'असुर २' पाहून प्रेक्षक भारावले; म्हणतात, हा तर मास्टर पीस!
Asur 2: अर्शद वारसी महत्त्वाच्या भूमिकेत असणारी असुर २ ही वेब सीरिज प्रदर्शित झाली आहे.
बॉलिवूड अभिनेता अर्शद वारसी महत्त्वाच्या भूमिकेत असणारी असुर ही सीरिज गाजली होती. या सीरिजला प्रेक्षकांचा चांगला प्रतिसाद मिळाला होता. त्यानंतर सर्वजण या सीरिजच्या दुसऱ्या सिझनची वाट पाहात होते. आता अखेर दुसरा सिझन प्रेक्षकांच्या भेटीला आला आहे. हा सिझन पाहून प्रेक्षकांनी काय प्रतिक्रिया दिल्या आहेत चला पाहूया...
लोकांना असुर या सीरिजचा दुसरा सिझन आवडला आहे. अनेकांनी सोशल मीडियाच्या माध्यमातून सकारात्मक प्रतिसाद दिला आहे. एका यूजरने ट्वीट करत ही वेब सीरिज मास्टर पिस आहे असे म्हटले आहे. तर दुसऱ्या एका यूजरने या सीरिजचे पुढचे भाग लवकर प्रदर्शित करा असे म्हटले आहे.
असुर या सीरिजच्या दुसऱ्या सिझनची प्रशंसा होत आहे. धनंजय राजपूत म्हणजेच अर्शद वारसी आणि निखिल नायर म्हणजे बरुण सोबती या दोघांचेही धेय्य शुभला पकडण्याचे असते. पण यावेळी दोघे वेगवेगळे नाही तर एकत्र येऊन शुभला पकडताना दिसतायेत. पहिल्या सिझनमध्ये शुभने केलेल्या हत्येने सीबीआयची झोप उडाली होती. आता दुसऱ्या सिझनपर्यंत हा राष्ट्रीय मुद्दा ठरला आहे.
विभाग