Anupam Kher: अनुपम खेर यांच्या ऑफिसमध्ये चोरी, पैसे आणि चित्रपटाचे नेगेटिव्ह चोरीला
Anupam Kher office theft: अनुपम खेर यांनी आपल्या इन्स्टाग्राम अकाऊंटवर पोस्ट शेअर करत ऑफिसमध्ये चोरी झाल्याची माहिती दिली आहे. त्यांनी चोरीचा व्हिडीओ शेअर करत पोलिसात तक्रार दाखल केल्याची माहिती दिली आहे.
बॉलिवूड अभिनेता अनुपम खेर नेहमीच कोणत्या ना कोणत्या कारणाने चर्चेत असतात. प्रत्येक मुद्द्यावर ते आपले मत अगदी मोकळेपणाने मांडतात. दरम्यान, आता अनुपम खेर यांच्याबाबत एक मोठी बातमी समोर येत आहे. अनुपम खेर यांच्या ऑफिसमध्ये चोरी झाली आहे. चोरट्यांनी अभिनेत्याच्या ऑफिसमध्ये घुसून केवळ तोडफोडच केली नाही तर त्याच्या चित्रपटाच्या नकारात्मक गोष्टीही चोरून नेल्या. खुद्द अभिनेत्याने सोशल मीडियावर चाहत्यांना ही माहिती दिली आहे. अनुपम यांनी याप्रकरणी पोलिस ठाण्यात तक्रार दाखल केली आहे.
सोशल मीडियाद्वारे दिली चोरीची माहिती
अनुपम खेर यांनी इन्स्टाग्राम अकाऊंटवर व्हिडीओ शेअर करत याविषयी माहिती दिली आहे. चोरट्यांनी कशा प्रकारे हुशारीने दरवाजा तोडून चोरीची घटना घडवून आणली, याचा संपूर्ण व्हिडिओ त्यांनी शेअर केला आहे. अनुपम खेर यांचे वीरा देसाई रोड येथे ऑफिस आहे.
वाचा: शिवाच्या बहिणीसाठी आशू करणार गुंडांशी दोन हात, झी मराठी मालिकांमध्ये 'वटपौणिमा' विशेष भाग
वाचा: 'सोनाक्षी आणि जहीरची मुले होऊ द्या', स्वरा भास्करने दोघांच्या धर्मावरुन मांडले स्पष्ट मत
अनुपम खेर यांनी ऑफिसमधील व्हिडीओ शेअर करत, 'काल रात्री माझ्या वीरा देसाई रोड कार्यालयात दोन चोरट्यांनी कार्यालयाचे दोन दरवाजे तोडून तिजोरी (जी कदाचित ते तोडू शकले नाहीत) आणि आमच्या कंपनीने तयार केलेल्या एका चित्रपटाच्या निगेटिव्ह चोरी केल्या आहेत. मी लगेच पोलिसात तक्रार दाखल केली आहे. तसेच पोलिस लवकरात लवकर चोरट्यांना पकडतील अशी आशा आहे. सीसीटीव्हीमध्ये कैद झालेले चोर हे अगदी सामान्य आहेत. कारण ते रिक्षामध्ये बसून आले आहेत. देव त्यांना सद्बुद्धी देवो. हा व्हिडीओ माझ्या टीमने पोलिस येण्याआधीच शूट केला आहे.'
वाचा: शुटिंगदरम्यान बॉलिवूड दिग्दर्शकाला दादा कोंडकेंनी खायला घातली होती बटाट्याची भाजी, वाचा किस्सा
व्हिडीओवर नेटकऱ्यांच्या कमेंट
अनुपम खेर यांनी शेअर केलेला व्हिडीओ सोशल मीडियावर तुफान व्हायरल झाला आहे. या व्हिडीओवर अनेकांनी कमेंट करत नाराजी व्यक्त केली आहे. एका यूजरने 'चोर नक्की पकडले जातील' असे म्हटले आहे. तर दुसऱ्या एका यूजरने 'देव चोरांना शहाणपण देवो' अशी कमेंट केली आहे. तिसऱ्या एका यूजरने 'सर ऑफिसमधून पैसे देखील चोरीला गेले आहेत का?' असा प्रश्न विचारला आहे. तसेच चोर लवकरात लवकर पकडला जाईल असे देखील अनेकांनी म्हटले आहे.
