Bigg Boss 17: विकीशी लग्न करुन अंकिता लोखंडेला होतोय पश्चाताप ? सोशल मीडियावर व्हिडीओ चर्चेत

बिग बॉसच्या घरात विकी आणि अंकिताच्या नात्यात फूट पडताना दिसत आहे. विकी बिग बॉसच्या घरात येऊन आनंदी दिसत आहे. तर दुसरीकडे अंकिता ही खासगी आयुष्य आणि घरातील खेळ या दोघांमध्येही गोंधळ घालताना दिसत आहे. नुकताच त्यांच्यामध्ये कडाक्याचे भांडण झाले आहे. भांडण सुरु असताना विकी अंकिता जवळ जातो तेवढ्यात अंकिता त्याला धक्का देते. ती विकीवर ओरडते त्याला चांगलच सुनावते. त्याने तिचा नेहमीच कसा वापर केला हे देखील पुढे ती बोलते. त्यानंतर ती म्हणते 'मला असे वाटते मी चुकीच्या माणसाशी लग्न केले आहे बिग बॉस.' त्यामुळे बिग बॉसच्या घरात विकी आणि अंकिताच्या नात्यात दुरावा निर्माण होणार असल्याचे दिसत आहे.
वाचा: हृतिक रोशन लवकरच अडणार विवाहबंधनात? नव्या फोटोंमुळे चर्चांना उधाण

त्यानंतर विकी आणि अंकिता बिग बॉसच्या घरातील एका सोफ्यावर बोलताना दिसत आहेत. विकी अंकिताला समजावताना दिसत आहे. तो अंकिताला म्हणतो ही खड्ड्यात गेले ४ कोटी रुपये चल आपण घरी जाऊया. तू मला जराही समजावून घेत नाहीस. त्यानंतर दोघांमध्ये पॅचअप होताना दिसत आहे.