Ankita Lokhande: भक्तीच्या नावाखाली तमाशा! अंकिता लोखंडे-निया शर्माचा गणपती डान्स बघून नेटकरी संतापले!

पण अंकिताचा एक व्हिडीओ पाहून सोशल मीडियावर लोक भडकले आहेत. देवभक्तीच्या नावाखाली तमाशा केला जात असल्याचे लोक म्हणत आहेत. अंकिता लोखंडेचा गणेश चतुर्थीला अभिनेत्री निया शर्मासोबतचा डान्स करतानाचा एक व्हिडीओ समोर आला आहे, जो सोशल मीडियावर तुफान व्हायरल होत आहे. या व्हिडीओमध्ये अंकिता निया शर्मासोबत डान्स करताना दिसत आहे. दोघीही बाप्पाच्या मूर्तीसमोर एकमेकांसोबत जोरदार डान्स करत आहेत.

बाप्पा आणायला गेलेल्या अंकिता लोखंडेला मागावी लागली महिलेची माफी, नेमकं काय घडलं होतं?

दोन्ही अभिनेत्री झाल्या ट्रोल

मात्र, डान्स करत असताना आपण कुठे आणि कुणासमोर आणि कोणत्या प्रसंगी नाचत होतो, हे दोघेही विसरून गेल्या आहेत. सोशल मीडियावर त्यांचा डान्स व्हिडीओ व्हायरल होताच निया आणि अंकिता ट्रोलर्सच्या निशाण्यावर आल्या आहेत. नेटकरी दोघींनाही जोरदार ट्रोल करत आहेत. दोघींचा डान्स पाहून आता नेटकरी भडकले आहेत.

काय म्हणाले नेटकरी?

गणेश चतुर्थीला निया शर्मा आणि अंकिता लोखंडे यांनी केलेला डान्स लोकांना खूप विचित्र वाटत आहे. युजर्सनी त्यांचा व्हिडीओ पाहिला आणि म्हटले की, गणेश पूजेच्या नावाखाली येथे भक्ती गायब आहे, बाकी सर्व काही घडत आहे. यावर एका युजरने कमेंट करत लिहिले की, 'अंकिताकडे पाहून मी तेच मनापासून म्हणते की, विकीला १०० तोफांची सलामी. आणखी एका युजरने लिहिले की, 'हे पाहून असे वाटते की, बाप्पाच्या नावाने पूजा नाही, तर तमाशा आहे. एकाने लिहिले, 'ती रस्त्यावरील मुलांप्रमाणे नाचत आहे. तर अनेक युजर्सने अंकिताचा एक्स म्हणजेच सुशांत सिंह राजपूतची आठवण काढत लिहिलं, 'सुशांत सगळ्यांना बघत असेल. अशा अनेक कमेंट्स या व्हिडीओवर येत आहेत.