Ankita Lokhande : अंकिता लोखंडेविरोधात अब्रुनुकसानीचा खटला दाखल, नेमकं प्रकरण काय? वाचा

कारण काय?

रोझलिनने हा खटला दाखल करण्यामागचे कारण स्पष्ट करत इन्स्टाग्रामवर कागदपत्रे शेअर केली. 'हिना खानची १५ तासांची शस्त्रक्रिया आणि तिच्या उपचारात येणाऱ्या अडचणींवर मी प्रश्न चिन्ह उपस्थित केले. हिनाने माझ्या प्रश्नांची उत्तरे दिली नाहीत. रूग्णाची गुप्तता पाळून रुग्णालयही गप्प बसले. परंतु, आता मला अनोळखी लोकांच्या धमक्या येत आहेत. माझ्या पेजवर घाणेरड्या कमेंट्स करण्यासाठी अनेक बॉट्स सेट केले जात आहेत. फॅन पेज मला ट्रोल करण्यासाठी माझे व्हिडिओ शेअर करत आहेत. त्यामुळे मला पोलीस ठाण्यात तक्रार करण्याशिवाय पर्याय नव्हता, असे रोझलिनने पोस्ट केले आहे.

रोझलिनला भलताच संशय

रोझलिनपुढे म्हणाली आहे, 'अंकिता लोखंडेने रिअ‍ॅलिटी चेक करण्याऐवजी माझ्या चारित्र्यावर प्रश्नचिन्ह उपस्थित केले. आश्चर्याची बाब म्हणजे, एवढ्या मोठ्या शस्त्रक्रियानंतर हिना खानला सांगता येत नाही की तिच्यावर कोणती शस्त्रक्रिया केली जात आहे? ज्यासाठी १५ तास लागतात. केमोथेरपी आणि सुपर मेजर शस्त्रक्रियेनंतर ती स्कूबा डायव्हिंग, स्नो स्लाइडिंग आणि इतर स्टंट शूट कसे करत आहे?

अंकिता लोखंडे काय म्हणाली?

हिना खानबाबत संशय व्यक्त करणाऱ्या रोझलिनबाबत बोलताना अंकिता म्हणाली की, ‘कोणी इतके खालच्या स्तरावर जाऊ शकते? हे किती चीप आहे. हिना खान अतिशय धाडसाने कॅन्सरशी लढत आहे. मी हे इतक्या आत्मविश्वासाने सांगू शकले, कारण मला हे माहित आहे. काही दिवसांपूर्वी विक्की हिनाला हॉस्पिटलमध्ये भेटला गेला होता. त्यावेळी तिच्यावर केमोथेरपी सुरू होती. विक्कीने मला सांगितले की, जेव्हा त्याने हिनाची अवस्था पाहिली तेव्हा त्याच्या डोळ्यात अश्रू आले. हिना, तू खूप बलवान आहेस, आमची वाघीन! देव तुला लवकरात लवकर बरा करो.'

हिना सध्या स्टेज-३ ब्रेस्ट कॅन्सरशी झुंज देत आहे. हिना सोशल मीडियावर तिच्या कर्करोगाच्या प्रवासाबद्दल मोकळेपणाने बोलत असते, अनेकदा रुग्णालयात तिच्या उपचारांची झलक शेअर करत असते. रोझलिनच्या आरोपांवर तिने अद्याप उत्तर दिलेले नाही.