मराठी बातम्या  /  मनोरंजन  /  उरलेयत अवघे २ दिवस! ‘बिग बॉस ओटीटी ३’चे सुत्रसंचालन करण्यासाठी अनिल कपूर आतुर! म्हणाले…

उरलेयत अवघे २ दिवस! ‘बिग बॉस ओटीटी ३’चे सुत्रसंचालन करण्यासाठी अनिल कपूर आतुर! म्हणाले…

Jun 19, 2024 09:25 AM IST

'बिग बॉस ओटीटी ३'चे नवे होस्ट बॉलिवूड अभिनेते अनिल कपूर यांच्याशी ‘हिंदुस्थान टाईम्स’च्यावतीने खास संवाद साधण्यात आला. यात त्यांच्याशी नव्या कामाविषयी चर्चा झाली.

‘बिग बॉस ओटीटी ३’चे सुत्रसंचालन करण्यासाठी अनिल कपूर आतुर!
‘बिग बॉस ओटीटी ३’चे सुत्रसंचालन करण्यासाठी अनिल कपूर आतुर!

'बिग बॉस ओटीटी ३' सुरू होण्यास अवघे एक, दोन दिवस शिल्लक आहेत. शुक्रवार, २१ जूनपासून या शोचे जिओ सिनेमावर स्ट्रीमिंग सुरू होणार आहे. 'बिग बॉस ओटीटी १' करण जोहरने होस्ट केला होता. तर, 'बिग बॉस ओटीटी २' सलमान खानने होस्ट केला होता. तर, अनिल कपूर 'बिग बॉस ओटीटी ३' होस्ट करणार आहे. अनिल कपूर 'बिग बॉस ओटीटी ३'च्या माध्यमातून होस्ट म्हणून पदार्पण करणार आहे. अशातच ‘लाइव्ह हिंदुस्थान’ने अनिल कपूर यांच्याशी खास संवाद साधला. वाचा या रिअॅलिटी शोबद्दल आणि त्यात सहभागी स्पर्धकांबद्दल ते काय म्हणाले.

> गेल्या ४५ वर्षांपासून तुम्ही फक्त चित्रपटांच्या माध्यमातून चाहत्यांच्या भेटीला येत आहात. मग इतक्या वर्षांनंतर रिअॅलिटी शो होस्ट करण्याचा निर्णय घेतला?

जेव्हा मला बिग बॉसची ऑफर आली, तेव्हा माझ्या मनातून आवाज आला...'यार मी हे केलं पाहिजे! मी याआधी असं काहीच कधीच केलं नव्हतं. मजा येईल, काहीतरी नवीन शिकायला मिळेल. कोणताही निर्णय घेण्यापूर्वी मी मनापासून विचारतो की, मी हे करावे की नाही? बिग बॉसबद्दल विचारले असता माझं मन मला म्हणालं की, हे करायला हवं. त्यामुळे मला नव्या लोकांना भेटण्याची संधी मिळणार आहे. माझे संपर्क वाढतील. जे मी आजवर केले नाही, त्यासाठी मला मिळालेली ही संधी आहे. '

‘या’ दिवशी पार पडणार सोनाक्षी सिन्हा आणि झहीर इक्बालची हळद; ५०हून कमी लोकांमध्ये होणार सोहळा!

> तुम्ही पहिल्यांदाच रिअॅलिटी शो होस्ट करणार आहात, हे कळल्यावर तुमच्या घरच्यांनी कशी प्रतिक्रिया दिली?

सर्वांनी सकारात्मक प्रतिसाद दिला. मी स्वत: आश्चर्यचकित झालो. माझ्या या निर्णयावर घरातील कोणीही प्रश्न चिन्ह उपस्थित करत नसले, तरी नेहमी माझ्या निर्णयावर तीन जण खूश असतात आणि एक जण तरी नाराज असतो. परंतु, यावेळी तसे झाले नाही. सर्वजण माझ्या निर्णयावर खूश होते.

ट्रेंडिंग न्यूज

> सलमान खानच्या दबंग व्यक्तिमत्त्वामुळे लोक त्याला घाबरतात, पण आम्ही तुम्हाला नेहमीच हसताना पाहिलं आहे. मग, स्पर्धकांनी तुमचे बोलणे गांभीर्याने घ्यावे यासाठी तुम्ही काय करणार?

मी स्वत: शिकेन आणि त्यांनाही शिकवीन, ज्यांना शिकायचे आहे, त्यांनाच मी शिकवेन आणि ज्यांना शिकायचे नाही त्यांना सांगेन, ‘राहू दे, तुमचं काम, तुमचं नशीब आणि तुमचं भविष्य तुमच्या हातीच!’ बाकी जशी प्रत्येक माणसाची बोलण्याची स्वतःची पद्धत असते, तशी माझीही आहे. माझेही स्वतःचे शिष्टाचार आहेत. मला मनापासून जे करावे वाटेल, ते मी करेन. मी कोणाचीही कॉपी करणार नाही.

वयाच्या ५७व्या वर्षी दुसऱ्यांदा प्रेमात पडले होते आशिष विद्यार्थी; लग्नगाठही बांधली! वाचा अभिनेत्याविषयी

> 'बिग बॉस ओटीटी-३'मध्ये कोणते नवे फीचर्स पाहायला मिळणार आहेत?

यावेळी अनेक नवीन गोष्टी पाहायला मिळतील. अशा काही गोष्टी असतील, ज्या पाहिल्यावर तुम्ही म्हणाल की, ‘अनिलही तसाच आहे! तो ही बोलू शकतो! हे देखील हे करू शकतो! प्रतिक्रियाही देऊ शकते! वाह हे खूप छान आहे!’

> बिग बॉसच्या घरातील भांडणांना तुम्ही कसे सामोरे जाल?

तुम्हाला कधी संधी मिळाली तर सोनम (अनिलची मोठी मुलगी आणि अभिनेत्री सोनम कपूर) किंवा रिया (अनिलची धाकटी मुलगी आणि चित्रपट निर्माती रिया कपूर) यांना नक्की विचारा की, मी कसा वागतो.

WhatsApp channel