Like Aani Subscribe: व्लॅागर… खून… रहस्य… ? ‘लाईक आणि सबस्क्राईब’चा उत्कंठावर्धक ट्रेलर प्रदर्शित
Like Aani Subscribe Trailer: नुकताच अभिनेत्री अमृता खानविलकर आणि अमेय वाघ महत्त्वाच्या भूमिकेत असणाऱ्या ‘लाईक आणि सबस्क्राईब’ या चित्रपटाचा उत्कंठावर्धक ट्रेलर प्रदर्शित झाला आहे.
गेल्या काही दिवसांपासून 'लाईक आणि सबस्क्राईब' या चित्रपटाची चर्चा रंगली आहे. अभिनेत्री अमृता खानविलकर आणि अमेय वाघ महत्त्वाच्या भूमिकेत असणाऱ्या या चित्रपटाची सर्वजण आतुरतेने वाट पाहात आहेत. अशातच या चित्रपटाचा अंगावर शहारे आणणारा टीझर प्रदर्शित झाला होता. त्या पाठोपाठ आता चित्रपटाचा ट्रेलर प्रदर्शित झाला आहे. त्यामुळे प्रेक्षकांमध्ये या चित्रपटाबाबत उत्सुकता आणखी शिगेला पोहोचली आहे. रोमांचक ट्रेलर बघून प्रत्येकाच्या मनात आता असंख्य प्रश्नांची मालिकाच सुरू झाली आहे.
काय आहे ट्रेलर?
‘लाईक आणि सबस्क्राईब’ चित्रपटाच्या २ मिनिटे १९ सेकंदाचा ट्रेलरपाहून प्रेक्षकवर्ग थक्क झाला आहे. जुई भागवत एका व्लॉगरच्या भूमिकेत दिसत असून, ती एका संकटात अडकल्याचे दिसतेय. टिझरमध्ये कोणाचा तरी खून झाल्याचेही दिसत आहे. तर अमृता खानविलकर पोलिसांच्या मदतीने कोणत्यातरी रहस्याचा उलगडा करण्याचा प्रयत्न करत असतानाच अमेय वाघकडेही काहीतरी गुपित असल्याचे दिसत आहे. हा सगळाच प्रकार संशयित असून याचा उलगडा १८ ॲाक्टोबर रोजी होणार आहे. ट्रेलर पाहून या चित्रपटाची कथा कमाल असणार, हे नक्की!
कोणते कलाकार दिसणार?
'लाईक आणि सबस्क्राईब' या चित्रपटाचे लेखन आणि दिग्दर्शन अभिषेक मेरूकर यांनी केले आहे. यात अमेय वाघ, अमृता खानविलकर, जुई भागवत, शुभंकर तावडे, विठ्ठल काळे या कलाकारांच्या प्रमुख भूमिका आहेत.
वाचा: तोंडाला रुमाल बांधलेल्या सूरजला हॉटेलमध्ये मिळत नव्हती एण्ट्री, रुमाल काढताच गर्दी जमली अन्...
चित्रपटात नेमकं काय पाहायला मिळणार?
'लाईक आणि सबस्क्राईब' या चित्रपटाचे दिग्दर्शन अभिषेक मेरूकर यांनी वक्तव्य केले आहे. त्यांनी चित्रपटात नेमकं काय पाहायला मिळणार याची थोडी कल्पना प्रेक्षकांना दिली आहे. "लाईक आणि सबस्क्राईब' हा चित्रपट फक्त एक रहस्यमय कथा नसून आजच्या तरूणाईची कथा सांगणारा चित्रपट आहे. या चित्रपटात प्रत्येक पात्राचे ध्येय वेगळे असले तरी त्यांचे आयुष्य एकाच ठिकाणी येऊन थांबते. हे सर्वात मोठे रहस्य चित्रपटाची औस्त्युक्य वाढवते . प्रत्येळ वेळी चित्रपटाची कथा एक वेगळे वळण घेणारी असून प्रेक्षकांना खूर्चीला खिळवून ठेवणारी आहे."
संबंधित बातम्या