I Want To Talk: अभिषेकचा 'आई वांट टू टॉक' सिनेमा वडिल अमिताभ बच्चन यांना कसा वाटला?

अमिताभ बच्चन यांनी आपल्या ट्विटर अकाऊंटवर एक पोस्ट शेअर केली आहे जी चर्चेत आहे. खरं तर बिग बींनी मुलगा अभिषेक बच्चनची 'आय वॉन्ट टू टॉक' या चित्रपटासाठी एक फॅन पोस्ट रिपोस्ट केली आहे. ही पोस्ट शेअर करत त्यांनी, 'या अभिनयासाठी एकच शब्द आहे. जादू, माझे प्रेम आशीर्वाद आणि बरेच काही. माझा मुलगा आहे त्यामुळे तो माझा वारसदार होणार नाही. जे माझे उत्तराधिकारी असतील ते माझे पुत्र होतील! अभिषेक, माझा मुलगा, माझा उत्तराधिकारी' असे म्हटले आहे. या पोस्टच्या माध्यमातून बिग बींनी आपल्या मुलाच्या अभिनयाचं कौतुक केलं आहे. यापूर्वी दिग्दर्शक इम्तियाज अली यांनी अभिषेकचा आतापर्यंतचा हा सर्वोत्कृष्ट अभिनय असल्याचे म्हटले होते.

अमिताभ बच्चन आपल्या कामासोबतच सोशल मीडियावर ही खूप अॅक्टिव्ह असतात. बिग बींच्या दिवसाची सुरुवात सोशल मीडियावरील एका पोस्टने होते असे म्हटल्यास वावगे ठरणार नाही. ते अनेकदा अनेकदा दररोज सोशल मीडियावर पोस्ट करून चाहत्यांशी जोडलेला असतो. चाहतेही बिग बींच्या पोस्टची आतुरतेने वाट पाहत आहेत.
वाचा: ए. आर. रेहमान गिटारवादक मोहिनीला करतोय डेट? दोघांनीही एकाच वेळी घटस्फोटाची घोषणा केल्याने चर्चांना उधाण

काय आहे चित्रपटाची कथा?

'आय वॉन्ट टु टॉक' या चित्रपटात अभिषेक हा अर्जुनच्या भूमिकेत दिसत आहे. या अर्जुनला बोलायला फार आवडते. त्याला एक आजार झाला आहे. या आजारामध्ये त्याचा आवाज गेला आहे. ट्रेलरमध्ये या अर्जुनच्या आयुष्यातील वेगवेगळ्या घटनांवर प्रकाश टाकण्यात आला आहे. तसेच तो ट्रेलरमध्ये माफी मागताना देखील दिसत आहे. पण अभिषेक नेमकी माफी का मागत आहे? असा प्रश्न सर्वांना पडला आहे. आता त्या मागचे रहस्य चित्रपट पाहिल्यावर समोर येणार आहे.