Sky force Collection: अक्षय कुमारच्या 'स्काय फोर्स'चा बॉक्स ऑफिसवर धमाका, दुसऱ्या दिवशी कमाईत वाढ
मराठी बातम्या  /  मनोरंजन  /  Sky force Collection: अक्षय कुमारच्या 'स्काय फोर्स'चा बॉक्स ऑफिसवर धमाका, दुसऱ्या दिवशी कमाईत वाढ

Sky force Collection: अक्षय कुमारच्या 'स्काय फोर्स'चा बॉक्स ऑफिसवर धमाका, दुसऱ्या दिवशी कमाईत वाढ

Aarti Vilas Borade HT Marathi
Jan 26, 2025 11:29 AM IST

Sky force Day 2 Collection: अक्षय कुमारचा स्काय फोर्स हा चित्रपट चित्रपटगृहात प्रदर्शित झाला आहे. अक्षय कुमारसाठी हा चित्रपट चांगला ठरत आहे. कारण चित्रपटाने बॉक्स ऑफिसवर चांगली कमाई केली आहे.

akshay kumar
akshay kumar

बॉलिवूडचा खिलाडी अभिनेता अक्षय कुमारचे गेल्या काही वर्षांपासून सिनेमे फ्लॉप ठरताना दिसत आहेत. मात्र, यंदाचे वर्ष हे अक्षयसाठी चांगले असणार असे चित्र आहे. नुकताच अक्षय कुमारचा स्कायफोर्स हा चित्रपट चित्रपटगृहात प्रदर्शित झाला आहे. या चित्रपटात अक्षयसोबत वीर पहारिया मुख्य भूमिकेत दिसत आहे. अक्षय कुमारचा हा चित्रपट त्याच्यासाठी लकी ठरत आहे. बॅक टू बॅक फ्लॉप चित्रपटांनंतर अक्षयच्या या चित्रपटाने चांगली सुरुवात केली आहे. चित्रपटाच्या कमाईबद्दल बोलायचे झाले तर प्रदर्शनाच्या दुसऱ्या दिवशी या चित्रपटाने मोठी झेप घेतली आहे.

चित्रपटाने दुसऱ्या दिवशी किती कमाई केली?

sacnilk.com दिलेल्या माहितीनुसार, दुसऱ्या दिवशी चित्रपटाच्या कमाईत ७५ टक्क्यांची वाढ झाली आहे. पहिल्या दिवशी या चित्रपटाने १२.२५ कोटींची कमाई केली होती. तर दुसऱ्या दिवशी या चित्रपटाने २१.५० कोटींची कमाई केली होती. अशा प्रकारे आतापर्यंत चित्रपटाचे संपूर्ण कलेक्शन ३३.७५ कोटी झाले आहे.

अक्षयच्या सिनेमांविषयी

अक्षय कुमारचे सिनेमे गेल्या काही काळापासून लोकांच्या मनात स्थान निर्माण करू शकलेले नाहीत. अक्षय कुमारच्या मागील पाच चित्रपटांच्या ओपनिंग डे कमाईबद्दल बोलायचे झाले तर स्काय फोर्स दुसऱ्या क्रमांकावर आहे. अक्षय कुमारचा शेवटचा चित्रपट बडे मियां छोटे मियां पहिल्या क्रमांकावर आहे. या चित्रपटाने पहिल्या दिवशी १६.०७ कोटींची कमाई केली होती. स्काय फोर्सने पहिल्या दिवशी १२.२५ कोटींची कमाई केली होती. या चित्रपटाने पहिल्या दिवशी ५.२३ कोटींची कमाई केली होती. मिशन रानिगनने पहिल्या दिवशी २.८० कोटी आणि सर्फिराने पहिल्या दिवशी २.५० कोटींची कमाई केली होती.
वाचा: महाकुंभ मेळ्यामधील व्हायरल झालेल्या मोनालिसाचे नशीब फळफळलं, सिनेमामध्ये करणार काम?

काय आहे सिनेमाची कथा?

स्काय फोर्स चित्रपटाची कथा 1965 साली भारत आणि पाकिस्तान यांच्यात झालेल्या हवाई युद्धावर आधारित आहे. अक्षय कुमार आणि वीर पहारिया यांच्याव्यतिरिक्त सारा अली खान आणि निमरित कौर या चित्रपटात झळकल्या आहेत. या चित्रपटाचे दिग्दर्शन अभिषेक बच्चन, अनिल कपूर आणि संदीप केवलानी यांनी केले आहे.

Whats_app_banner