Mission Raniganj: अक्षय कुमारचा ‘मिशन रानीगंज’ आता ऑस्करमध्ये दाखवणार जलवा; निर्मात्यांची मोठी घोषणा!

आता ही केवळ अक्षय कुमार आणि त्याच्या चाहत्यांसाठीच नव्हे, तर संपूर्ण देशासाठी अभिमानाची बाब आहे. ‘मिशन रानीगंज’ हा चित्रपट अतिशय धाडसी कोल इंजिनीअर जसवंत गिल यांच्या आयुष्यावर आधारित आहे. जसवंत गिल यांनी १९८९मध्ये कोळसा खाणीत अडकलेल्या ६५ मजुरांचे प्राण वाचवले होते. आपल्या हिंमतीने आणि धाडसाने त्यांनी इतिहासात आपले नाव कोरले. या शौर्याबद्दल त्यांना अनेक प्रतिष्ठित पुरस्कारांनी सन्मानित करण्यात आले आहे. अक्षय कुमार या चित्रपटात जसवंत गिल यांच्या भूमिकेत दिसला आहे. अक्षयसोबत या चित्रपटात परिणीती चोप्रा, रवी किशन आणि कुमुद मिश्रासारखे कलाकारही दिसले आहेत.

Ravrambha : ‘रावरंभा’ चित्रपट करताना ओम भूतकरच्या डोळ्यांत का आलं पाणी? हा किस्सा वाचाच...

दरम्यान, हा चित्रपट आता ऑस्करसाठी पाठवला जाणार असल्याचे समोर आले आहे. निर्माते स्वतंत्रपणे हा चित्रपट ऑस्करसाठी सादर करणार आहेत. या चित्रपटाला अनेक मोठ्या श्रेणींमध्ये नामांकन मिळण्याची शक्यता आहे. यापूर्वी ‘आरआरआर’ हा चित्रपट ऑस्कर सोहळ्यात पाठवला गेला होता. ‘आरआरआर’ने देखील ऑस्करमध्ये धुमाकूळ घातला होता. ‘मिशन रानीगंज’ या चित्रपटाच्या कमाईबद्दल बोलायचे झाले तर, सध्या आयसीसी क्रिकेट वर्ल्ड कप २०२३मुळे 'मिशन रानीगंज' बॉक्स ऑफिसवर काही विशेष जादू दाखवू शकला नाही. बॉक्स ऑफिसवर या चित्रपटाचा फारसा प्रभाव दिसला नाही. त्याच्या कमाईचा वेगही आता मंदावला आहे.

‘मिशन रानीगंज’ हा चित्रपट खूपच प्रेरणादायी आहे. यातून अनेकांना प्रेरणा मिळेल. आता हा चित्रपट ऑस्करसाठी पाठवला जाणार असल्याचे कळताच प्रेक्षकही आनंदी झाले आहेत. या चित्रपटाचे पुढे काय होते हे पाहणे उत्सुकतेचे ठरणार आहे. या चित्रपटाला ऑस्कर अवॉर्ड्समध्ये कोणत्या श्रेणीसाठी नामांकन दिले जाईल याबाबत आता कोणतीही माहिती समोर आलेली नाही.

Bigg Boss 17: ‘बिग बॉस १७’मध्ये सहभागी होणाऱ्या कपल्ससाठी खास जागा; २४ तास राहणार प्रेक्षकांची नजर!