Lucky Bhaskar : थिएटरनंतर 'लकी भास्कर' ओटीटी गाजवणार! कधी आणि कुठे पाहता येणार दुलकर सलमानचा चित्रपट?

‘लकी भास्कर’ हा चित्रपट बॉक्स ऑफिसवर चांगलाच हिट ठरला होता आणि समीक्षकांकडूनही त्याला प्रशंसा मिळाली होती. आता हा चित्रपट डिजिटल प्लॅटफॉर्मवर रिलीज करण्यात आला आहे, त्याला प्रेक्षकांचा खूप सकारात्मक प्रतिसाद मिळत आहे. सोशल मीडिया युजर या चित्रपटाबद्दल भरभरून लिहिताना दिसत आहेत. ओटीटीवर देखील या चित्रपटाला चांगला प्रतिसाद मिळणार, असे चित्र दिसत आहे.

माझ्या घरात अनेक देव अन् मी नमाजही अदा करते! धर्माबद्दल काय म्हणाली अभिनेत्री जरीना वहाब?

बॉक्स ऑफिसवर १०७ कोटींची जबरदस्त कमाई!

दुलकर सलमान आणि मीनाक्षी चौधरी यांची मुख्य भूमिका असलेला 'लकी भास्कर' हा चित्रपट ३१ ऑक्टोबर रोजी थिएटरमध्ये प्रदर्शित झाला होता. त्यांच्या या चित्रपटाला प्रेक्षक आणि समीक्षकांकडून उत्स्फूर्त प्रतिसाद मिळाला आहे. या चित्रपटाने बॉक्स ऑफिसवर चांगली कमाई करत भारतात ८० कोटींहून अधिक कमाई केली. तेलुगू चित्रपटसृष्टीत धमाकेदार कमाई करणार दुलकर सलमानचा हा तिसरा चित्रपट होता. रिपोर्टनुसार, या चित्रपटाने एकूण १०७ कोटी रुपयांचे बॉक्स ऑफिस कलेक्शन केले होते.

दुलकर सलमानचा चित्रपट प्रवास

अभिनेता दुलकर सलमानने २०१८मध्ये तेलुगू चित्रपटात पदार्पण केले, जेव्हा त्याने चित्रपटामध्ये जेमिनी गणेशनची भूमिका केली होती. या चित्रपटाची निर्मिती नाग अश्विनने केली होती, ज्यामध्ये कीर्ती सुरेशने प्रसिद्ध अभिनेत्री सावित्रीची भूमिका साकारली होती. या चित्रपटात समंथा रुथ प्रभू आणि विजय देवरकोंडा यांच्याही भूमिका होत्या. यानंतर, २०२२ मध्ये प्रदर्शित झालेला दुलकरचा दुसरा चित्रपट ‘सीतारामम’ हिट झाला आणि त्यात मृणाल ठाकूर देखील होती. दुलकर सलमान लवकरच सुधा कोंगारा दिग्दर्शित सूर्याच्या नवीन चित्रपटात दिसणार आहे.