ममता कुलकर्णीनंतर ‘या’ अभिनेत्रीने महाकुंभात घेतली दीक्षा, साध्वी बनताच म्हणाली, ‘महिला छोट्या कपड्यात.. '
ममता कुलकर्णी महामंडलेश्वर बनल्यामुळे चर्चेत आहे. ममतानंतर आता या यादीत आणखी एका अभिनेत्रीचं नाव जोडलं जात आहे, जिने बॉलिवूडची रुपेरी दुनिया सोडण्याचा निर्णय घेतला आहे. या अभिनेत्रीनेही अभिनय सोडून आध्यात्मिक होण्याचा निर्णय घेतला आहे.
महाकुंभ २०२५ सतत चर्चेत असतो. यावेळी संगमात संतांसह अनेक चेहरे चर्चेत आहेत. संगमाच्या अमृत पाण्यात डुबकी मारण्यासाठी देश-विदेशातून लोक येत आहेत. बॉलिवूड अभिनेत्री ममता कुलकर्णी सध्या महामंडलेश्वर बनल्यामुळे चर्चेत आहे. ममतानंतर आता या यादीत आणखी एका अभिनेत्रीचं नाव जोडलं जात आहे. या अभिनेत्रीने बॉलिवूडची रुपेरी दुनिया सोडण्याचा निर्णय घेतला आहे. या अभिनेत्रीनेही अभिनय सोडून आध्यात्मिक होण्याचा निर्णय घेतला आहे. चला तर मग जाणून घेऊया कोण आहे ही अभिनेत्री?
मिस इंडिया राहिलेली अभिनेत्री अध्यात्माच्या मार्गावर -
आम्ही ज्या अभिनेत्रीबद्दल बोलत आहोत ती दुसरी कोणी नसून मिस वर्ल्ड टुरिझम आणि मिस इंडिया इशिका तनेजा आहे. इशिका आता सनातनी शिष्या बनली असून तिने दीक्षा घेतली आहे. द्वारका-शारदा पीठाचे शंकराचार्य सदानंद सरस्वती यांच्याकडून इशिकाने गुरुदीक्षा घेतली आहे. इशिका आता लक्ष्मी झाली आहे. सोशल मीडियावर इशिकाचे अनेक फोटो व्हायरल होत आहेत, ज्यात ती भगवी वस्त्रे परिधान करून सनातनचा प्रचार करताना दिसत आहे.
मिस इंडिया सौंदर्य स्पर्धेत 'पॉप्युलरिटी अँड मिस ब्युटी विथ ब्रेन्स'चा किताब पटकावणारी इशिका तनेजा २०१७ मध्ये आलेल्या इंदू सरकार या चित्रपटात दिसली होती. या चित्रपटात इशिका तिच्या भूमिकेमुळे चर्चेत आली होती. तिला राष्ट्रपती पुरस्कारानेही सन्मानित करण्यात आले आहे. २०१४ मध्ये इशिकाने गिनीज वर्ल्ड रेकॉर्डचा किताब जिंकला होता. विक्रम भट्ट यांच्या 'हद्द' (२०१७) या मिनी सीरिजमध्येही तिने काम केले आहे. नुकतेच इशिकाने महाकुंभात डुबकी मारली आणि महिलांनी लहान कपड्यांमध्ये नृत्य करू नये असे म्हटले होते. जीवनात खरी शांती अध्यात्माचा अंगीकार केल्यानेच मिळते, असे तिचे मत आहे.
Shrikant Ashok Londhe
संबंधित बातम्या