दिवंगत आईच्या आठवणीत अभिनेत्री तेजश्री प्रधान झाली भावूक! सोशल मीडियावर पोस्ट लिहित म्हणाली...

तेजश्री प्रधान हिच्या आईचं गेल्या सहा महिन्यापूर्वी निधन झालं. आज तेजश्रीच्या आईला जाऊन सहा महिने पूर्ण झाले आहेत. याच प्रसंगी तेजश्री प्रधान हिने तिच्या आईसोबतचा एक फोटो सोशल मीडियावर शेअर केला आहे. या फोटोमध्ये तेजश्री प्रधान एक पुरस्कार स्वीकारताना दिसत आहे. तर, तिची आई तिच्या पाठीशी उभी राहून कौतुकाने आपल्या लेकीकडे बघताना दिसत आहे. आईसोबतचा हा फोटो पोस्ट करताना तेजश्री प्रधान हिने कॅप्शनमध्ये लिहिले की, ‘आई सहा महिने झाले... पाठीशी आहेस ना अशीच! रहा... कायम!’

थिएटरमध्ये आपटले पण ओटीटीवर येताच चमकले बॉलिवूडचे ‘हे’ चित्रपट! तुम्ही पाहिलेत का?

शेअर केला आईसोबतचा फोटो!

या फोटोमध्ये जणू तेजश्री प्रधान हिची आई आपल्या लेकीला आणि तिच्या कामाला प्रोत्साहन देतेय, असंच वाटत आहे. तेजश्री प्रधान हिने या फोटोला दिलेलं हे कॅप्शन देखील प्रेक्षकांच्या आणि तिच्या चाहत्यांच्या मनाला भावलं आहे. तेजश्रीच्या या पोस्टवर तिचे चाहते कमेंट करून अभिनेत्रीचं सांत्वन करताना दिसत आहेत. तेजश्रीच्या आईला जाऊन आज सहा महिने झाले आहेत. सहा महिन्यांपासून आईविना असलेली तेजश्री आता या दुःखातून सावरण्याचा प्रयत्न करत आहे.

अभिरामच्या हळदीत लीलाला नाचावंच लागणार! ‘नवरी मिळे हिटलरला’मध्ये पुन्हा होणारा नवा गोंधळ

दुःखातून हळूहळू सावरतेय तेजश्री!

या सगळ्यातच ती प्रेक्षकांचं मनोरंजन देखील करत आहे. आपल्या दुःखाचा आपल्या कामावर कोणताही परिणाम होऊ न देता तेजश्री प्रधान आपल्या मालिकेतून सगळ्यांच्याच भेटीला येते. प्रेक्षक तिच्या याच खंबीर मनाचं कौतुक करत आहेत. तेजश्री प्रधान हिच्या आई सीमा प्रधान यांचं गेल्या सहा महिन्यांपूर्वी निधन झालं. सीमा प्रधान या बऱ्याच दिवसापासून आजारी होत्या. १६ नोव्हेंबर रोजी राहत्या घरीच त्यांची प्राणज्योत मालवली. आईच्या जाण्यानं तेजश्री प्रधानवर दुःखाचा डोंगर कोसळला होता. मात्र, आता अभिनेत्री या सगळ्यातून हळूहळू सावरत आहे.

मधुभाऊंची केस सुटणार! सायली आणि अर्जुन एकमेकांपासून दुरावणार? ‘ठरलं तर मग’मध्ये पुढे काय घडणार?