आमिर खानच्या भावाशी लग्नाचा निर्णय चुकला; पश्चात्तापात होरपळणाऱ्या अभिनेत्रीच्या मदतीला धावून आला सलमान!

सलमान खानने केली होती मदत

इवाने कॉफी अनफिल्टर्ड पॉडकास्टमध्ये सांगितले की, तिच्या वैयक्तिक आयुष्यात कठीण प्रसंगातून जात असताना सलमानने तिला खूप मदत केली होती. ती म्हणाली, 'सलमान त्यावेळी खूप सपोर्टीव्ह होता. त्याने मला बिग बॉसची ऑफरही दिली. मला सांगण्यात आले होते की, जर मी या शोमध्ये सामील झालो तर मी तेथे बराच काळ राहीन. मात्र, मी ही ऑफर नाकारली होती. कारण, मी माझ्या वैयक्तिक आयुष्यातील समस्यांमुळे माझ्या करिअरवर लक्ष केंद्रित करू शकत नव्हते.

हैदरसोबत रिलेशनशिप ही एक मोठी चूक!

त्यानंतर इवाने हैदर अली खानसोबत रिलेशनशिपमध्ये येणे ही तिची सर्वात मोठी चूक कशी होती हे सांगितले. परंतु, तिने आपले लग्न वाचवण्यासाठी सर्वतोपरी प्रयत्न केले. जगातील सर्व सुख माझ्याकडे असल्याचे इवा म्हणाली. मी व्यावसायिकदृष्ट्या चांगले काम करत होते. पण, मला फक्त घर, चांगला नवरा आणि मुले हवी होती.

सोहेल खानच्या गाडीत बसणारी ‘ती’ मिस्ट्री गर्ल नक्की कोण? अफेअरच्या चर्चांवर अखेर अभिनेत्याने सोडलं मौन!

आईला वाटत होतं लग्न होऊ नये!

इवाने सांगितले की, तिने हैदरसोबत प्रेमविवाह केला होता. दोघांनी पळून जाऊन लग्न केले. पण, तिच्या आईला इवाचे हैदरशी लग्न व्हावे, असे वाटत नव्हते. कारण, हे लग्न आंतरधर्मीय होते. इवा आणि हैदरचे लग्न केवळ ५ वर्षे टिकले. यावर अभिनेत्री म्हणाली की, 'मी माझे लग्न वाचवण्यासाठी सर्व काही केले. मला वाटले की मूल झाल्यानंतर सर्व काही ठीक होईल, परंतु काहीतरी काहीही ठीक झाले नाही. एवढ्या मोठ्या जबाबदारीसाठी तो तयार नव्हता. या लग्नात माझा केवळ छळ झाला.

इवाने सलमानसोबत रेडी चित्रपटात काम केले आहे. या चित्रपटानंतर इवा लाईमलाईटपासून दूर गेली. सार्वजनिक कार्यक्रमांमध्येही ती क्वचितच दिसते. ती शेवट ‘टशन-ए-इश्क’ या शोमध्ये दिसली होती, जो २०१५-१६मध्ये चालला होता.