I Want To Talk: 'आय वॉन्ट टु टॉक' चित्रपटामध्ये बदललेला दिसला अभिषेक बच्चन, पाहा ट्रेलर

काय आहे चित्रपटाचा ट्रेलर?

'आय वॉन्ट टु टॉक' या चित्रपटाच्या ट्रेलरवरुन सिनेमामध्ये अभिषेक हा अर्जुनच्या भूमिकेत दिसणार आहे. या अर्जुनला बोलायला फार आवडते. त्याला एक आजार झाला आहे. या आजारामध्ये त्याचा आवाज गेला आहे. ट्रेलरमध्ये या अर्जुनच्या आयुष्यातील वेगवेगळ्या घटनांवर प्रकाश टाकण्यात आला आहे. तसेच तो ट्रेलरमध्ये माफी मागताना देखील दिसत आहे. पण अभिषेक नेमकी माफी का मागत आहे? असा प्रश्न सर्वांना पडला आहे. आता त्या मागचे रहस्य चित्रपट पाहिल्यावर समोर येणार आहे.

ट्रेलरमध्ये अभिषेक बच्चन डॉक्टरांशी बोलताना दिसत आहे, जो त्याला सांगतो की त्याच्या घशावर शस्त्रक्रिया करावी लागेल. अर्जुनचा आजार बरा करण्यासाठी त्याने केलेला संघर्ष आणि कुटुंबाभोवती हा चित्रपट फिरताना दिसतो. ट्रेलरच्या शेवटी असे दाखवण्यात आले आहे की, जर कोणी अभिषेकला विचारले की जर त्याला जीवन परत मिळाले तर त्याला काय करायचे आहे. त्यानंतर तो लेखी सांगतो की त्याला बोलायचे आहे.
वाचा: किरण गायकवाड आणि भाग्यश्री मोटे पहिल्यांदा एकत्र, 'या' हॉरर कॉमेडी सिनेमात करणार काम
 

नेटकऱ्यांनी दिल्या प्रतिक्रिया

सोशल मीडियावर 'आय वॉन्ट टु टॉक' या चित्रपटाचे कौतुक होत आहे. एका यूजरने कमेंट करत लिहिले की, "हा चित्रपट बॉक्स ऑफिसवर हिट होणार नाही पण त्याला सन्मानजनक पुरस्कार मिळेल." दुसऱ्या एका यूजरने, "अभिषेकचे ट्रान्सफॉर्मेशन, या ट्रेलमध्ये छान दिसत आहे" अशी कमेंट केली आहे. तिसऱ्या एका यूजरने 'या माणसाला विनाकारण ट्रोल करणाऱ्यांना मी एक गोष्ट स्पष्ट करू इच्छितो, नात्यात अनेक चढ-उतार असतात जे कॉमन असतात. पण हा माणूस आगामी चित्रपटासाठी आमच्या प्रेमाला पात्र आहे. अनेक जण या चित्रपटाच्या प्रदर्शनाची वाट पाहत आहेत' असे म्हटले आहे.