अभिजीत भट्टाचार्य आणि शाहरुख खानचं भांडण मिटणार का? काय म्हणाला गायक वाचा...

अभिजीत भट्टाचार्य नुकतेच शुभंकर मिश्रा यांच्या यूट्यूब चॅनलवरील पॉडकास्टवर एक मुलाखत दिली. या मुलाखतीदरम्यान अभिजीत भट्टाचार्य म्हणाला की, ९०च्या दशकांत एक अशी वेळ आली होती, जेव्हा तो खूपच निवडक गाणी गात होता. त्यावेळी त्याने अनेक गाणी गाण्यास थेट नकार देखील दिला होता. यावर बोलताना अभिजीत म्हणाला की, 'मी त्याकाळात खूपच निवडक झालो होतो. मी या बाबतीत खूप सावध झालो होतो. त्यावेळी मी ठरवले होते की, मी फक्त शाहरुख खानसाठी गाणी गाणार.'

Shah Rukh Khan : बाथरूममध्ये जाऊन ढसाढसा रडायचो; शाहरुख खान असं का म्हणाला? वाचा नेमकं झालं...

तू तोतऱ्यासाठी गाणी गात आहेस ना?

अभिजीत भट्टाचार्य याने या मुलाखतीत पुढे सांगितले की, लोक त्याकाळी शाहरुखला 'हकला' म्हणजेच 'तोतरा' म्हणत असत. एक किस्सा सांगताना तो म्हणाला की, 'मला शाहरुख खानसाठी गायलेल्या एका गाण्यासाठी पुरस्कार मिळाला होता. तो पुरस्कार घेऊन स्टेजवरून खाली उतरत असताना एक मोठा कलाकार माझ्यासमोर आला आणि म्हणाला की, त्या तोतऱ्यासाठी गाणी गातोस ना तू? त्यानंतर आणखी एक-दोन लोक हेच वाक्य म्हणाले. मलाही त्यावेळी खूप विचित्र वाटलं.'

पार्श्वगायनापासून झालो दूर!

अभिजीत भट्टाचार्य म्हणाला की, 'मला त्यावेळी हे ऐकून धक्काच बसला होता. मला आश्चर्य वाटत होतं, की त्यांना शाहरुख खानचा इतका हेवा का वाटत आहे. माझ्या गाण्यासाठी मला पुरस्कार मिळाला होता. पण, यानंतर माझा पार्श्वगायनातील रस कमी होऊ लागला. मी अभिनेत्यांसाठी गाणी गाणे बंद केले. त्यानंतर मी माझ्या शो आणि गाण्याच्या कार्यक्रमांवर लक्ष केंद्रित करू लागलो. यातून मला आनंद मिळू लागला.'