'सैराट' चित्रपटात आर्चीच्या भूमिकेसाठी रिंकू राजगुरु नाही तर 'या' अभिनेत्रीची झाली होती निवड
'सैराट' चित्रपटात आर्चीच्या भूमिकेसाठी रिंकू राजगुरु नाही तर 'या' अभिनेत्रीची झाली होती निवड
Apr 29, 2024 12:21 PM IST
- आज 'सैराट' हा चित्रपट प्रदर्शित होऊन आठ वर्षे झाली आहेत. त्यानिमित्ताने आर्ची या भूमिकेसाठी रिंकू राजगुरु नाही तर कोणत्या अभिनेत्रीची निवड करण्यात आल्याचे समोर आले आहे.
(1 / 5)
मराठी चित्रपटसृष्टीमधील काही चित्रपट असे आहेत जे प्रदर्शित होऊन काही वर्षे उलटली आहेत. मात्र आजही प्रेक्षक ते चित्रपटात तितक्याच आनंदाने आणि उत्साहाने पाहातात. या यादीमधील एक चित्रपट म्हणजे 'सैराट.' २०१६ साली प्रदर्शित झालेल्या नागराज मंजुळे दिग्दर्शित ‘सैराट’ चित्रपटाने प्रेक्षकांना वेड लावले होते. या चित्रपटातील आर्ची आणि परश्याच्या जोडीला प्रेक्षकांनी अक्षरश: डोक्यावर उचलून धरले होते. पण तुम्हाला माहिती आहे का आर्ची या भूमिकेसाठी वेगळ्या अभिनेत्रीची निवड झाली होती.
(2 / 5)
'सैराट' हा चित्रपट २९ एप्रिल २०१६ रोजी प्रदर्शित झाला होता. आज या चित्रपटाच्या प्रदर्शनाला जवळपास ८ वर्षे झाली आहेत. त्यानिमित्ताने चित्रपटाविषयी काही खास गोष्टी जाणून घेऊया…
(3 / 5)
‘सैराट’या चित्रपटातून अभिनेता आकाश ठोसर आणि अभिनेत्री रिंकू राजगुरूने मराठी चित्रपटसृष्टीत पदार्पण केले. ‘सैराट’मुळे रिंकू प्रसिद्धीझोतात आली होती. या चित्रपटामुळे तिने यशाचे शिखर गाठले. तिने साकारलेले आर्ची हे पात्र आजही प्रेक्षकांच्या लक्षात आहे. पण आर्ची या भूमिकेसाठी अभिनेत्री सायली पाटीलची निव़ड करण्यात आली होती.
(4 / 5)
अभिनेत्री सायलीने स्वत: एका मुलाखतीमध्ये याबाबत खुलासा केला होता. “माझ्या ४ ते ५ ऑडिशन झाल्यानंतर नागराज सर म्हणाले आता तुझी जवळपास निवड करण्यात आली आहे. पण मी त्यांना म्हणाले मला नाही करायचे. कारण माझ्याकडून तरी असे काही नव्हते ती भूमिका मला करायची आहे. तो विषय तिथेच थांबला त्यानंतर ‘सैराट’ आला आणि मग ४ वर्षानंतर सरांनी मला ‘झुंड’साठी विचारले” असे सायली म्हणाली.
(5 / 5)
आर्ची ही भूमिका अभिनेत्री रिंकू राजगुरुने साकरली. तिच्या या पहिल्याच चित्रपटाने तिला रातोरात स्टार बनवले. तिचे संपूर्ण आयुष्य या चित्रपटाने बदलून टाकले. आता रिंकूकडे अनेक चित्रपट आहेत. तिने हिंदी वेब सिरीजमध्ये देखील काम केले आहे.
इतर गॅलरीज