Pet Dog handling Tips: घरी पाळीव श्वान आणताय? मग 'या' पाच गोष्टी नक्की लक्षात ठेवा

आपल्या नवीन कुत्र्याला सेटल करण्यात मदत करणारे पाच मार्ग

आपल्या नवीन पाळीव प्राण्यांना बदललेल्या वातावरणात स्थायिक होण्यास मदत करण्यासाठी काही गोष्टी करणे महत्त्वाचे असते. चला जाणून घेऊया कोणत्या गोष्टी कराव्यात...
वाचा: उन्हाळ्यात अक्रोड भिजवून खावेत की असेच खावेत? काय आहेत फायदे जाणून घ्या

१. घरात योग्य जागा द्या

पाळीव कुत्र्यांना घरात योग्य ती जागा द्या. जेथे त्यांना शांत विश्रांती करता येईल किंवा तेथे जाऊन ते झोपू शकतात.

२. त्यांच्यावर ओरडू नका

पाळी कुत्र्याला घरी आल्यावर कोणतीही शिस्त लावताना ओरडू नका. त्याला प्रेमाने जवळ करा आणि योग्य तो मार्ग दाखवा. तसेच सुरुवातीला कुत्र्ये नव्या घरात शांत एका कोपऱ्यात बसतात. त्यांना तसेच हवा तेवढा वेळ बसू द्या.
वाचा: वेळीच सावध व्हा! ब्रेन ट्यूमरचे प्रमाण का वाढत आहे? काय आहे कारण वाचा

३. जास्त गोष्टी करणे टाळा

घरात नवा सदस्य आल्यामुळे तुम्ही उत्साही असता. पण घरी आणलेल्या पाळीव कुत्र्‍यासाठी सर्वकाही नवीन असते. तुम्ही सतत त्याच्या मागे राहाल तर तो चिडेल. जवळपास ७२ तास थांबणे गरजेचे आहे.

४. त्याला प्रशिक्षण देण्याची घाई करु नका

आपल्या पाळीव श्वानावर नव्या गोष्टी शिकण्यासाठी दबाव टाकू नका. त्याच्यावर विश्वास ठेवा. तो हळूहळू गोष्टी शिकेल. पण तुम्ही लगेच त्याच्यावर दबाव टाकला तर तो घाबरेल.
वाचा: कडक उन्हातही हवी का रिफ्रेशिंग स्किन? अशा प्रकारे दिवसभर वापरा गुलाब जल

५. सुरक्षित वाटेल असे वागा

घरातील नव्या पाळीव कुत्र्याला सुरक्षित वाटेल असे वागा. सतत त्याला काही करण्यास सांगू नका किंवा शिकवण्यास जाऊ नका. हळूहळू त्याला तुमचा लळा लागेल, सुरक्षित वाटू लागेल त्यानंतर तो तुम्हाला अपेक्षित सर्व गोष्टी करु लागेल.

प्रत्येक नाते हे वेगळे असते. त्यामुळे जरी तुम्ही घरात पाळीव कुत्रा आणलात तरी त्याला निट सांभाळा. त्याला पहिल्याच दिवशी हव्या असलेल्या गोष्टी करु द्या. त्याला एखादी जागा आवडली तर तेथे बसू द्या. हळूहळू त्याला सगळ्या गोष्टींची सवय लावते.