Chhaava : विकी कौशलचा ‘छावा’ बघण्याचा विचार करताय? ‘ही’ ५ कारणं ऐकून लगेच काढाल तिकीट
Chhaava Movie : विकी कौशल स्टारर ‘छावा’ हा छत्रपती संभाजी महाराजांच्या जीवनावर आधारित ऐतिहासिक चित्रपट आहे. विकीचा दमदार अभिनय, लक्ष्मण उतेकर यांचे दिग्दर्शन हे या चित्रपटाला आणखी खास बनवत आहे.
5 Reasons Makes Chhaava Masterpice : बॉलिवूड अभिनेता विकी कौशल आपल्या दमदार अभिनयासाठी ओळखला जातो आणि चित्रपटांमध्ये आपल्या अभिनयाने तो प्रेक्षकांना नेहमीच प्रभावित करतो. नुकताच प्रदर्शित झालेला त्याचा 'छावा' हा चित्रपटही असाच काहीसा सगळ्यांना प्रभावित करत आहे. छत्रपती संभाजी महाराजांच्या जीवनावर आधारित या ऐतिहासिक चित्रपटाने पहिल्या दिवशी ३० कोटींपेक्षा जास्त कमाई करत जबरदस्त ओपनिंग केली आहे. विकी कौशलच्या कारकिर्दीतील हा आतापर्यंतचा सर्वात मोठा ओपनिंग चित्रपट ठरला आहे. हा चित्रपट थिएटरमध्ये पाहायला हवा की नाही, असा प्रश्न तुम्हाला पडला असेल तर आम्ही तुमच्यासाठी घेऊन आलो आहोत 'छावा' पाहण्याची ५ मोठी कारणे.
१) विकी कौशलचा दमदार अभिनय
'उरी : द सर्जिकल स्ट्राईक' असो किंवा 'सरदार उधम' किंवा 'सॅम बहादूर' असो, विकी कौशल प्रत्येक वेळी आपल्या अभिनयाने प्रेक्षकांना प्रभावित करतो. आता अभिनेता 'छावा'मध्ये एका पराक्रमी योद्धा राजाची भूमिका साकारत असून, त्याची देहबोली, जबरदस्त डायलॉग्स, अभिनय आणि अॅक्शन सीन्स पाहिल्यानंतर तुम्ही ते विसरू शकणार नाही.
२) छत्रपती संभाजी महाराजांची अनटोल्ड स्टोरी
बॉलिवूडमध्ये अनेक ऐतिहासिक सिनेमे बनले आहेत, पण छत्रपती संभाजी महाराजांचे जीवन मोठ्या पडद्यावर क्वचितच दाखविण्यात आले आहे. 'छावा'मध्ये या शूर योद्ध्याचे शौर्य, संघर्ष आणि त्यागाचे भव्य चित्रण करण्यात आले असून, नव्या पिढीला त्यांची कहाणी जाणून घेण्याची संधी मिळणार आहे. ही ऐतिहासिक कथा क्वचितच मोठ्या पडद्यावर सांगितली गेली आहे.
३) जबरदस्त दिग्दर्शन
'लुका छुपी' आणि 'जरा हटके जरा बचके' यांसारखे हिट सिनेमे बनवणारे लक्ष्मण उतेकर या चित्रपटाचे दिग्दर्शक आहेत. दमदार कथा आणि उत्कृष्ट सिनेमॅटोग्राफीच्या माध्यमातून ते प्रेक्षकांना चित्रपटाशी जोडून ठेवतात, हे त्यांच्या चित्रपटांचे वैशिष्ट्य आहे. 'छावा'मधलं त्याचं दिग्दर्शनही चित्रपटाला एक उत्तम आणि संस्मरणीय अनुभव देत आहे. प्रत्येक सीनमध्ये तुम्ही दिग्दर्शकाचं कौतुक करायला विसरणार नाही.
४) नेत्रदीपक लोकेशन्स, भव्य सेट
नेत्रदीपक लोकेशन्स, भव्य सेट आणि पीरियड ड्रामाची भव्यता असलेल्या या चित्रपटाचे भव्य दिव्य चित्रीकरण करण्यात आले आहे. इतिहास, अॅक्शन आणि भावनांचा उत्तम मिलाफ असलेला हा चित्रपट मोठ्या पडद्यावर पाहण्याचा एक वेगळाच अनुभव आहे.
५) जबरदस्त अॅक्शन आणि युद्धाचे चित्रण
मराठा साम्राज्याची लढाई हा इतिहासातील सर्वात रोमांचक अध्याय आहे. 'छावा'मध्ये एक भव्य युद्धाचा सीन दाखवण्यात आला आहे, ज्यात विकी कौशल शानदार अॅक्शन अवतारात दिसत आहे. तलवारबाजी, घोडेस्वारी आणि युद्धनीती मोठ्या पडद्यावर पाहणे हा प्रेक्षकांसाठी अविस्मरणीय अनुभव ठरणार आहे. हा चित्रपट विकीसाठी खूप खास असून,तो त्याच्या आणि प्रेक्षकांच्या नेहमीच स्मरणात राहील.
Harshada Bhirvandekar
संबंधित बातम्या