मराठी बातम्या  /  निवडणुका  /  Pune Maval Lok Sabha Election : मावळमध्ये श्रीरंग बारणे यांची विजयी घोडदौड; वाघेरे तब्बल ५४ हजार मतांनी पिछाडीवर

Pune Maval Lok Sabha Election : मावळमध्ये श्रीरंग बारणे यांची विजयी घोडदौड; वाघेरे तब्बल ५४ हजार मतांनी पिछाडीवर

Jun 04, 2024 02:35 PM IST

Pune Maval Lok Sabha Election : मावळ लोकसभा मतदारसंघात महायुती आणि महाविकास आघाडीमध्ये जोरदार चुरस पाहायला मिळत आहे. या निवडणुकीत महायुतीचे उमेदवार श्रीरंग बारणे यांची विजयी घोडदौड सुरू आहे.

मावळ लोकसभा मतदारसंघात महायुतीचे उमेदवार श्रीरंग बारणे यांची विजयी घोडदौड सुरू आहे.
मावळ लोकसभा मतदारसंघात महायुतीचे उमेदवार श्रीरंग बारणे यांची विजयी घोडदौड सुरू आहे.

maval Lok Sabha Election 2024 updates : राज्यात लोकसभा निवडणुकीचे निकाल हाती यायला लागले आहे. काहीसे चित्र स्पष्ट व्हायला लागले आहे. पुण्यात शिरूरमध्ये डॉ. अमोल कोल्हे, तर बारामतीत सुप्रिया सुळे आघाडीवर आहेत. तर पुण्यातील भाजपचे मुरलीधर मोहोळ आघाडीवर आहेत. तर सर्वाचे लक्ष असलेल्या मावळ लोकसभा मतदारसंघात महायुती व महाविकास आघाडीमध्ये चुरस सुरू आहे. मावळ मतदारसंघातून महायुतीचे श्रीरंग बारणे हे सुरूवातीपासूनच आघाडीवर आहेत. तर संजोग वाघेरे हे पिछाडीवर आहेत. तब्बल ५४ हजार मतांनी ते बारणे यांच्या मागे आहेत.

ट्रेंडिंग न्यूज

Prajwal Revanna: देशातील पहिला निकाल समोर; माजी पंतप्रधानांचे नातू प्रज्वल रेवण्णा यांचा पराभव

मावळ लोकसभा मतदारसंघात पनवेल, उरण, कर्जत, पिंपरी, चिंचवड व मावळ हे विधानसभा मतदारसंघ असून या सहाही विधानसभा मतदारसंघात महायुतीचे आमदार आहेत. याचा फायदा हा श्रीरंग बारणे यांना झाला असून आज सकाळी मतमोजणी सुरू झाल्या पासून बारणे हे आघाडीवर आहेत.

Loksabha Election Result 2024 : लोकसभा निवडणुकीचे निकाल पाहता काँग्रेस-शरद पवार नव्या खेळीच्या तयारीत

पहिल्या फेरीपासून बारणे आघाडीवर आहेत. तर, वाघेरे हे त्यांचा बालेकिल्ला असलेल्या पिंपरी विधानसभा मतदारसंघातही पिछाडीवर असल्याची माहिती आहे. बारणे यांना या मतदार संघातून मोठी आघाडी मिळाली आहे. कर्जत, उरण या विधानसभा मतदारसंघात बारणे व वाघेरे यांच्यात मोठी चुरस सुरू आहे. या मतदार संघात उपमुख्यमंत्री अजित पवार यांनी बारणे यांच्यासाठी सभा घेतली होती. असे असले तरी राष्ट्रवादी काँग्रेसचे आमदार असलेल्या मावळ विधानसभा मतदारसंघातून देखील वाघेरे यांना आघाडी मिळत आहे. मात्र, असे असले तरी बारणे यांनी मोठी आघाडी मिळवली आहे. त्यांची वाटचाल ही विजयाच्या दिशेने सुरू आहे.

राज्यात महाविकास आघाडी पुढे

महाराष्ट्रातील ४८जागांच्या निकालाचे चित्र हळुहळु स्पष्ट होत असून यात महायुती पिछाडीवर पडल्याचे दिसत आहे. राज्यात शरद पवार यांच्या राष्ट्रवादी काँग्रेसने १० जागांवर निवडणूक लढवली होती, त्या १० ही जागांवर उमेदवार आघाडीवर आहेत. अजित पवार फुटून गेल्यानंतर शरद पवारांनी नव्या उमेदीने पक्ष बांधणी करत तसेच दिवसरात्र प्रचार करत लोकसभेत मोठं यश मिळवताना दिसत आहे. ११ वाजेपर्यंतच्या कलामध्ये १० जागांवरील सर्व उमेदवार आघाडीवर आहेत. दिंडोरीमध्ये राज्यमंत्री भारती पवार आणि भिवंडीमधील राज्यमंत्री कपिल पाटील या केंद्रीय मंत्र्यांनाही झटका बसलाय.

WhatsApp channel