मराठी बातम्या  /  निवडणुका  /  Asaduddin Owaisi on Modi : "तुम्ही चीनसोबत डिस्को डान्स करत आहात', पंतप्रधान मोदींच्या ‘मुजरा’ वर ओवैसींचा पलटवार

Asaduddin Owaisi on Modi : "तुम्ही चीनसोबत डिस्को डान्स करत आहात', पंतप्रधान मोदींच्या ‘मुजरा’ वर ओवैसींचा पलटवार

May 27, 2024 11:14 PM IST

आरक्षणाच्या मुद्द्यावरून पंतप्रधान नरेंद्र मोदी यांनी इंडिया आघाडीवर हल्ला चढवताना व्होट बँकेसाठी 'गुलामी' आणि 'मुजरा' केल्याचा आरोप केला होता. याला ओवैसी यांनी पलटवार केला आहे.

असदुद्दीन ओवेसींचा मोदींवर पलटवार
असदुद्दीन ओवेसींचा मोदींवर पलटवार (File)

ऑल इंडिया मजलिस-ए-इत्तेहादुल मुस्लिमीन (एआयएमआयएम) चे प्रमुख असदुद्दीन ओवेसी यांनी पंतप्रधान नरेंद्र मोदी यांच्या मुजरा वक्तव्यावर जोरदार पलटवार केला आहे. ओवैसी म्हणाले की, पंतप्रधान नरेंद्र मोदी हे चीनसोबत डिस्को डान्स, भांगडा आणि भरत नाट्यम करत आहेत. बिहारमधील  पाटलीपुत्र लोकसभा मतदारसंघात आपल्या पक्षाच्या उमेदवाराच्या प्रचारसभेत बोलताना ओवैसी यांनी मोदींवर टीका केली.  पंतप्रधान मोदींनी विरोधी पक्षांवर व्होट बँकेसाठी  मुजरा करण्याचा आरोप केला होता. यावर ओवैसींनी म्हटले की, पंतप्रधानांच्या तोंडी असली भाषा शोभते का? मोदीला वाटते की, आमच्या तोंडात जीभ नाही, आम्हाला बोलता येत नाही. आम्ही बरेच काही बोलू शकतो. तुमच्या आरएसएसचा इतिहासही सांगू शकतो.

ट्रेंडिंग न्यूज

हैदराबादचे खासदार ओवैसी यांनी बिहारच्या पाटलीपुत्र लोकसभा मतदारसंघात एका प्रचार सभेतील भाषणाचा काही भाग सोशल मीडियावर शेअर केला आहे. त्यात त्यांनी पंतप्रधानांनी केलेल्या शब्दांची आठवण करून दिली, जेव्हा त्यांनी विरोधकांवर 'व्होट जिहाद'मध्ये गुंतलेल्या मुस्लिमांसाठी 'मुजरा' केल्याचा आरोप केला होता.

@narendramodi जी, तुम्ही मुजरा बद्दल बोललात, म्हणून असदुद्दीन ओवेसी तुम्हाला विचारू इच्छितो की, गेल्या ३ वर्षांपासून चीनने २ हजार चौरस किलोमीटर भारतीय भूमीवर कब्जा केला आहे, मोदीजी, तुम्ही चीनला हटवत नाही आहात, मग तुम्ही डिस्को डान्सिंग विथ चायना करत आहात का?

पंतप्रधानांनी हीच भाषा वापरली पाहिजे का? आपल्याकडे बोलायला तोंड नाही असं मोदींना वाटतं का? 'असं ओवेसी म्हणाले.

 "नागरिकत्व दुरुस्ती कायदा मुस्लिमांना वंचित ठेवण्यासाठी आणला गेला आणि मोदी या मुद्द्यावर भांगडा करत राहिले. तसेच धर्म संसदेत मुस्लिमांबद्दल, विशेषत: आमच्या माता-भगिनींविषयी सर्व प्रकारची आक्षेपार्ह विधाने केली जातात. पण मोदी या विषयावर भरतनाट्यम करण्यात समाधानी आहेत.

आरक्षणाच्या मुद्द्यावरून पंतप्रधान नरेंद्र मोदी यांनी इंडिया आघाडीवर हल्ला चढवला होता. त्यानंतर  मुस्लिम व्होट बँकेसाठी 'गुलामी' आणि 'मुजरा' केल्याचा आरोप केला होता.

मी बिहार, एससी, एसटी, ओबीसी समाजाला हमी देत आहे, जोपर्यंत मोदी जिवंत आहेत तोपर्यंत मी त्यांना त्यांचे अधिकार हिरावून घेऊ देणार नाही. मोदींसाठी संविधान सर्वोच्च आहे, मोदींसाठी बाबासाहेब आंबेडकरांच्या भावना सर्वोच्च आहेत. जर इंडिया आघाडीला आपल्या व्होट बँकेची गुलामगिरी स्वीकारायची असेल तर ते तसे करण्यास मोकळे आहेत... जर त्यांना मुजरा (नृत्य) सादर करायचे असेल तर ते करण्यास मोकळे आहेत... एससी, एसटी आणि ओबीसी आरक्षणाच्या पाठीशी मी अजूनही खंबीरपणे उभा राहीन. 

 

काँग्रेस नेते राहुल गांधी, मल्लिकार्जुन खर्गे, नॅशनल कॉन्फरन्सचे फारुक अब्दुल्ला आणि राजदचे तेजस्वी यादव यांच्यासह अनेक विरोधी पक्षनेत्यांनी मोदींच्या वक्तव्यावर जोरदार टीका केली आहे.

लोकसभा निवडणुकीच्या शेवटच्या टप्प्यात आठ राज्ये आणि केंद्रशासित प्रदेशांतील एकूण ५७ लोकसभा मतदारसंघांमध्ये १ जून रोजी मतदान होणार आहे. शेवटच्या टप्प्यात पंतप्रधान नरेंद्र मोदी (वाराणसी), रविशंकर प्रसाद (पाटणा साहिब), कंगना राणावत (मंडी) आणि अभिषेक बॅनर्जी (डायमंड हार्बर) यांच्यासह अनेक प्रमुख उमेदवार रिंगणात आहेत.

WhatsApp channel