मराठी बातम्या  /  elections  /  Loksabha election: देशभरात लोकसभेचं राज्यनिहाय संपूर्ण वेळापत्रक वाचा

Loksabha election: देशभरात लोकसभेचं राज्यनिहाय संपूर्ण वेळापत्रक वाचा

Haaris Rahim Shaikh HT Marathi
Mar 16, 2024 06:57 PM IST

यंदा लोकसभा निवडणुकीत ९६.८ कोटी मतदार मतदानास पात्र असतील. यात ४७.१ कोटी महिलांचा समावेश आहे.

Indian map showing 7-phase general election
Indian map showing 7-phase general election (ECI)

पुढील महिन्यात १९ एप्रिलपासून सुरू होणाऱ्या १८ व्या सार्वत्रिक निवडणुकीचा कार्यक्रम आज, शनिवारी निवडणूक आयोगाने जाहीर केला. या निवडणुकीचा शेवटचा टप्पा १ जून रोजी पार पडणार आहे. तर ४ जून २०२४ रोजी लोकसभा निवडणुकीचा निकाल जाहीर होणार आहे. यंदाच्या निवडणुकीत ९६.८ कोटी नागरिक मतदानासाठी पात्र असणार आहे. यात ४७.१ कोटी महिलांचा समावेश आहे.

संपूर्ण राज्यनिहाय वेळापत्रक:

राजस्थान: राजस्थानात लोकसभेची निवडणूक पहिल्या दोन टप्प्यात होणार आहे. १९ एप्रिल २०२४ आणि २६ एप्रिल २०२४ अशा दोन टप्प्यात मतदान होणार आहे.

महाराष्ट्रः महाराष्ट्रात एकूण ५ टप्प्यात लोकसभेचं मतदान होणार आहे. १९ एप्रिल, २६ एप्रिल, ७ मे, १३ मे आणि २० मे या तारखांना महाराष्ट्रात मतदान होणार आहे. महाराष्ट्रात एकूण ४८ मतदारसंघ आहेत.

उत्तर प्रदेश : उत्तर प्रदेशमध्ये एकूण सात टप्प्यात मतदान होणार आहे. १९ एप्रिल, २६ एप्रिल, ७ मे, १३ मे, २० मे, २५ मे आणि १ जून रोजी अशा एकूण सात टप्प्यात मतदान होणार आहे.

नवी दिल्ली : दिल्लीत एकूण सात लोकसभा मतदारसंघ आहेत. येथे एकाच टप्प्यात २५ मे रोजी मतदान होणार आहे.

मध्य प्रदेश: येथे १९ एप्रिल, २६ एप्रिल, ७ मे आणि १३ मे २०२४ या चार टप्प्यात मतदान होणार आहे.

मणिपूर : ईशान्येकडील मणिपूरमध्ये १९ आणि २६ एप्रिल या दोन टप्प्यांत मतदान होणार आहे.

कर्नाटकः येथे २६ एप्रिल आणि ७ मे २०२४ या दोन टप्प्यात मतदान होणार आहे.

पंजाब: पंजाबमध्ये १ जून २०२४ रोजी एकाच टप्प्यात मतदान होणार आहे.

हिमाचल प्रदेश : हिमाचल प्रदेशात १ जून रोजी एकाच टप्प्यात मतदान होणार आहे.

ओडिशा : येथे लोकसभेच्या २१ आणि विधानसभेच्या १४७ जागांसाठी १३ मे , २० मे, २५ मे आणि १ जून या चार टप्प्यांत मतदान होणार आहे.

झारखंड : १३ मे, २० मे, २५ मे आणि १ जून या चार टप्प्यात मतदान होणार आहे.

हरयाणा : येथे २५ मे रोजी एकाच टप्प्यात मतदान होणार आहे.

उत्तराखंड : १९ एप्रिल रोजी एकाच टप्प्यात मतदान होणार आहे.

पश्चिम बंगालः १९ एप्रिल, २६ एप्रिल, ७ मे, १३ मे, २० मे, २५ मे आणि १ जून रोजी सात टप्प्यात मतदान होणार आहे.

आसामः १९ एप्रिल, २६ एप्रिल आणि ७ मे अशा तीन टप्प्यांत मतदान होणार आहे.

गुजरातः ७ मे रोजी एकाच टप्प्यात मतदान होणार आहे.

तामिळनाडूः येथे १९ एप्रिल रोजी एकाच टप्प्यात मतदान होणार आहे.

आंध्र प्रदेश: राज्यात १३ मे रोजी लोकसभा आणि विधानसभा निवडणुकांसाठी एकाच टप्प्यात मतदान होणार आहेत.

अरुणाचल प्रदेश : राज्यात लोकसभेसोबतच विधानसभेची निवडणूकही होणार आहे. येथे दोन्ही निवडणुका एकाच टप्प्यात १९ एप्रिल रोजी मतदान होणार आहेत.

बिहारः १९ एप्रिल, २६ एप्रिल, ७ मे, १३ मे, २० मे, २५ मे आणि १ जून रोजी सात टप्प्यात मतदान होणार आहे.

छत्तीसगडः १९ एप्रिल, २६ एप्रिल आणि ७ मे २०२४ अशा तीन टप्प्यांत मतदान होणार आहे.

गोव्यात ७ मे रोजी एकाच टप्प्यात मतदान होणार आहे.

केरळ : २६ एप्रिल रोजी एकाच टप्प्यात मतदान

मेघालय : १९ एप्रिल रोजी एकाच टप्प्यात मतदान होणार

मिझोराम : १९ एप्रिलला एकाच टप्प्यात मतदान होणार

नागालँड : राज्यात १९ एप्रिल रोजी एकाच टप्प्यात मतदान होणार

सिक्कीम : राज्यात १९ एप्रिल रोजी एकाच टप्प्यात लोकसभा आणि विधानसभेच्या निवडणुका होणार आहेत.

तेलंगणा : राज्यात १३ मे रोजी एकाच टप्प्यात मतदान होणार आहे

त्रिपुरा : १९ एप्रिल आणि २६ एप्रिल या दोन टप्प्यात मतदान होणार.

अंदमान-निकोबार मध्ये १९ एप्रिल रोजी एकाच टप्प्यात मतदान होणार

चंदीगड : १ जून रोजी एकाच टप्प्यात मतदान होणार

दादरा आणि नगर हवेली आणि दमण-दीव : ७ मे रोजी एकाच टप्प्यात मतदान होणार

जम्मू-काश्मीर : १९ एप्रिल, २६ एप्रिल, ७ मे, १३ मे, २० मे अशा एकूण पाच टप्प्यात मतदान होणार

लडाख : २० मे रोजी एका टप्प्यात मतदान होणार

लक्षद्वीप : १९ एप्रिल रोजी एकाच टप्प्यात मतदान होणार

पुद्दुचेरी : १९ एप्रिल रोजी एकाच टप्प्यात मतदान होणार

WhatsApp channel

संबंधित बातम्या