Thackeray Vs BJP : कुलाब्यात भाजप आणि ठाकरे गटाचे कार्यकर्ते भिडले, नार्वेकरांच्या विरोधात घोषणाबाजी

दक्षिण मुंबई लोकसभा मतदारसंघातील कुलाबा येथे भाजप कार्यकर्ते आणि ठाकरे गटाचे कार्यकर्ते आपापसात भिडले. विधानसभा अध्यक्ष राहुल नार्वेकर मतदान प्रक्रिया पाहण्यासाठी आले असता ठाकरे गटाच्या कार्यकर्त्यांनी राहुल नार्वेकर यांच्याविरोधात घोषणाबाजी केली. ठाकरे ‘पन्नास खोके एकदम ओक्के’ अशी घोषणाबाजी गटाच्या कार्यकर्त्यांनी केल्याने भाजप कार्यकर्ते आक्रमक झाले. यामुळे काही काळ परिसरात तणावाचे वातावरण निर्माण झालं होतं. पोलिसांच्या मध्यस्थीनंतर परिस्थिती नियंत्रणात आली..

महाआघाडी आणि भाजप कार्यकर्त्यांचाही राडा - 
कुलाब्याबरोबरच सायन येथेही महाआघाडीतील काँग्रेस व शिवसेना उबाठा कार्यकर्त्यांसोबत भाजप कार्यकर्त्यांचा राडा झाला. तिन्ही पक्षाच्या कार्यकर्ते सायन पोलीस स्टेशनमध्ये पोहोचले. काँग्रेस कार्यकर्त्याने धमकावल्याचा आरोप भाजप कार्यकर्त्यांनी केला आहे. भाजप आमदार प्रसाद लाड सायन पोलीस ठाण्यात दाखल झाले होते. भाजप आमदार कॅप्टन तमिल सेल्वम, आमदार कालिदास कोळंबकर हे देखील यावेळी सायन पोलीस ठाण्यात उपस्थित होते.