Raj Thackeray: राज ठाकरे तब्बल १९ वर्षांनी आनंदाश्रमात, आनंद दिघेंच्या प्रतिमेसमोर नतमस्तक!

लोकसभा निवणुकीला सुरुवात होण्यापूर्वीच राज ठाकरेंनी महायुतीला बिनशर्त पाठिंबा जाहीर केला. तसेच महायुतीच्या उमेदवारांसाठी निवडणूक सभा घेत आहेत. महायुतीने ठाणे लोकसभा मतदार संघ आणि कल्याण मतदारसंघासाठी अनुक्रमे नरेश म्हस्के आणि डॉ. श्रीकांत शिंदे यांना उमेदवारी जाहीर केली. याच उमेदवारांच्या प्रचारासाठी राज ठाकरे आज ठाण्यात दाखल झाले. यामुळे ठाण्यात शिवसेना- मनसेच्या कार्यकर्त्यांमध्ये चैतन्याचे वातावरण पसरले.

Lok Sabha Election : चौथ्या टप्प्यातील ११ मतदारसंघातील प्रचाराच्या तोफा थंडावल्या, इतक्या EVM वर होणार मतदान

याआधी राज ठाकरे यांनी महायुतीचे कणकवली मतदारसंघातील उमेदवार नारायण राणे आणि पुणे लोकसभा मतदारसंघातील उमेदवार मुरलीधर मोहोळ यांच्यासाठी प्रचार सभा घेतल्या. यानंतर राज ठाकरे आज नरेश म्हस्के आणि डॉ. श्रीकांत शिंदे यांच्या प्रचारासाठी ठाण्यात दाखल झाले आहेत. याआधी राज ठाकरे टेंभी नाका येथील आनंद आश्रमात दिवंगत आनंद दिघे यांच्या प्रतिमेसमोर नतमस्तक झाले. तब्बल १९ वर्षानंतर राज ठाकरेंनी आनंदाश्रामात भेट दिली.

Devendra Fadnavis: उद्धव ठाकरेंना १९९९ मध्येच मुख्यमंत्री व्हायचे होते, देवेंद्र फडणवीसांचा खळबळजनक दावा

ठाणे लोकसभा मतदारसंघात महायुतीचे उमेदवार नरेश म्हस्के आणि महाविकास आघाडीचे उमेदवार राजन विचारे (शिवसेना उद्धव बाळासाहेब पक्ष) यांच्यात लढत पाहायला मिळत आहे. तर, कल्याण लोकसभा मतदारसंघात डॉ. श्रीकांत शिंदे यांच्याविरुद्ध महाविकास आघाडीने वैशाली दरेकर यांच्यावर विश्वास दाखवला आहे. वैशाली दरेकर या देखील शिवसेना उद्धव बाळासाहेब पक्षाच्या आहेत.

Narendra Modi Exclusive Interview : 'आम्ही नागरिकांना सक्षम करतो, विरोधकांना त्यांची संपत्ती चोरायची आहे: PM मोदी

महायुती विरुद्ध महाविकास आघाडी

शिवसेना उद्धव बाळासाहेब ठाकरे पक्ष, काँग्रेस आणि राष्ट्रवादी काँग्रेस शरद पवार पक्ष हे महाविकास आघाडी म्हणून लढत आहेत. तर, भाजप, शिंदेची शिवसेना आणि राष्ट्रवादी काँग्रेस अजित पवार पक्ष हे महायुती म्हणून लढत आहेत.