Congress Candidates List : काँग्रेसच्या चौथ्या यादीत महाराष्ट्रातून ४ उमेदवारांची घोषणा, पाहा कोणाला मिळाली संधी?

राज्यात महाविकास आघाडीमध्ये जागावाटपावरून अद्याप तोडगा निघालेला नाही. तसेच वंचितबाबतही मविआमध्ये एकमत होऊ शकलेले नाही. अशा परिस्थितीत काँग्रेसने आपल्या वाट्याला येणाऱ्या जागांवरील उमेदवार निश्चित करून आघाडी घेतली आहे.

लोकसभा निवडणुकीसाठी काँग्रेसने जारी केलेल्या उमेदवारांच्या चौथ्या यादीत महाराष्ट्रातील ४ नावांची घोषणा करण्यात आली आहे.

सांगलीनंतर आता ‘या’ मतदारसंघातही ठाकरे गटाची कुरघोडी, काँग्रेसने उमेदवार घोषित करुनही मेळाव्यांना सुरुवात

काँग्रेसने महाराष्ट्रामधील नागपूर, गडचिरोली-चिमूर, रामटेक आणि भंडारा-गोंदिया या लोकसभा मतदारसंघातील उमेदवार जाहीर केले आहेत.

काँग्रेसने रामटेक लोकसभा मतदारसंघातून रश्मी बर्वे यांना संधी दिली आहे. तसेच नागपूर येथून नितीन गडकरींच्या विरोधात विकास ठाकरे, गडचिरोलीमधून नामदेव किरसान आणि गोंदिया- भंडारा लोकसभा मतदारसंघातून प्रशांत पडोले यांना संधी देण्यात आली आहे.

kalyan lok sabha : कल्याणच्या सुभेदारीसाठी तुंबळ संघर्ष होणार! ठाकरेंकडून केदार दिघे मैदानात उतरणार?

काँग्रेसने आपल्या तिसऱ्या यादीत महाष्ट्रातील ७ उमेदवारांची घोषणा केली होती. त्यात नंदूरबारमधून जी. के. पाडवी, अमरावतीमधून बळवंत वानखेडे, नांदेडमधून वसंतराव चव्हाण, पुण्यामधून रवींद्र धंगेकर, लातूरमधून शिवाजीराव काळगे, सोलापूरमधून प्रणिती शिंदे आणि कोल्हापूरमधून शाहू महाराज छत्रपती यांना उमेदवारी जाहीर केली होती.